देशभर ७२ नयाँ संक्रमित थपिए

समाचार

गृहपृष्ठ
समाचार
देशभर ७२ नयाँ संक्रमित थपिए

देशभर ७२ नयाँ संक्रमित थपिए

सोमबार, जेठ १२, २०७७ बागेश्वरी पोस्ट

नेपालगन्ज । बाँकेका ४ सहित देशभर ७२ जना नयाँ संक्रमित थपिएका छन् ।

अहिलेसम्म देशभर ६ सय ७५ जनामा कोभिड-१९ संक्रमण पुष्टि भएको छ । बाँकेको डुडुवा र राप्तीसोनारी गाउँपालिकामा २/२ जना संक्रमित थपिएका हुन् ।

डुडुवा २ को क्वारेन्टाइनमा बसेका २ जना पुरुष र राप्तीसोनारी ७ को क्वारेन्टाइनमा बसेका २ जना पुरुषमा कोरोना देखिएको हो । उनीहरु सबै भारतबाट आएका हुन् । बाँकेमा अब नरैनापुरका १ सय १४ सहित कोरोना संक्रमित १ सय ४६ जना पुगेका छन् ।

यी मध्ये नरैनापुरका एकजनाको मृत्यु भइसकेको छ भने नेपालगन्जका २१ जना निको भएर घर फर्केका छन् । स्वास्थ्य तथा जनसंख्या मन्त्रालयका अनुसार आज थपिएका अन्य संक्रमितमा दैलेखका ७, बर्दियाका १, रौतहटका २६, बाराका २३, काठमाण्डौ, धनुषा र कपिलवस्तुका ३/३ जना र सप्तरीका २ जना छन् ।

प्रकाशित मिति: सोमबार, जेठ १२, २०७७ ११:४४

प्रतिक्रिया दिनुहोस्