बाँकेका थप ८ जनामा कोरोना संक्रमण, बैजनाथमा पनि देखियो

समाचार

गृहपृष्ठ
समाचार
बाँकेका थप ८ जनामा कोरोना संक्रमण, बैजनाथमा पनि देखियो

बाँकेका थप ८ जनामा कोरोना संक्रमण, बैजनाथमा पनि देखियो

मंगलबार, जेठ १३, २०७७ बागेश्वरी पोस्ट

नेपालगन्ज । बाँकेका ८ सहित आज देशभर ९० जना कोरोना संक्रमित थपिएका छन् ।

बाँकेको बैजनाथमा पहिलोपटक संक्रमण देखिएको छ । बैजनाथ–३ का ३० वर्षीष पुरुषमा संक्रमण देखिएको हो । भेरी अस्पतालमा गरिएको परिक्षणमा नेपालगञ्ज उपमहानगरपालिका-२ का एक पुरुष, डुडुवा–१ का २० वर्षीय पुरुष, डुडुवा–२ का २१, ३६ र ४० वर्षीय पुरुष, राप्तीसोनारी–३ का ४६ वर्षीय पुरुष र राप्तीसोनारी–९ का ३८ वर्षीय पुरुषमा संक्रमण पुष्टि भएको हो ।

बाँके बाहेक आज संक्रमण पुष्टि हुनेहरुमा कपिलवस्तुका २६, रौतहटका २२ जना, सुर्खेतका १२, सिराहाका ५, बाराका ३, महोत्तरी, जुम्ला, गुल्मी, अर्घाखाँची र स्याङ्जाका २/२ र धनुषा, रुपन्देही, कैलाली र अछामका एक/एक जना छन् ।

यो सँगै मुलुकका ४६ जिल्लामा संक्रमण देखिएको छ । हालसम्म सबैभन्दा बढी बाँकेमा १५४ जनामा संक्रमण पुष्टि भएको छ । त्यस्तै कपिलवस्तुमा १०९, पर्सामा ९५, रौतहटमा ६९ र रुपन्देहीमा ४४ जनामा संक्रमण पुष्टि भएको छ ।

हालसम्म संक्रमण पुष्टि भएकाहरुमध्ये १५५ जना निको भएका छन् भने बाँके, सिन्धुपाल्चोक, गुल्मी र बाराका एक/एक गरी ४ जनाको कोरोना संक्रमणबाट मृत्यु भएको छ ।

प्रकाशित मिति: मंगलबार, जेठ १३, २०७७ १९:१८

प्रतिक्रिया दिनुहोस्