दाङमा आज १५ जनामा कोरोना पोजेटिभ भेटियो, रुकुम पुर्वमा ३ जनालाई कोरोना

समाचार

गृहपृष्ठ
समाचार
दाङमा आज १५ जनामा कोरोना पोजेटिभ भेटियो, रुकुम पुर्वमा ३ जनालाई कोरोना

दाङमा आज १५ जनामा कोरोना पोजेटिभ भेटियो, रुकुम पुर्वमा ३ जनालाई कोरोना

बुधबार, जेठ १४, २०७७ बागेश्वरी पोस्ट

दाङ । दाङमा एकै दिन १५ जनामा कोरोना संक्रमन पुष्टि भएको छ । राप्ती स्वास्थ्य विज्ञान प्रतिष्ठानमा गरिएको परीक्षणमा बुधवार घोराहीमा ७ जना र लमहीमा थप ८ जनामा कोरोना संक्रमन देखिएको हो ।

घोराही उपमहानगरपालिका वडा नं. १८ मा २४,२५,४० र ४२ बर्षीय व्यक्तिमा र घोराही १० का ३४, ४० र ४० बर्षका पुरुषमा कोरोना संक्रमन भेटिएको राप्ती स्वास्थ्य विज्ञान प्रतिष्ठले जानकारी दिएकाे छ।

त्यस्तै लमही नगरपालिका अन्तरगत वडा नं. १ मा २६ बर्षीय एकजना, वडा नं. २ मा १७ र ३० बर्षीय दुई जना, वडा नं. ४ मा २६ बर्षीय एकजना, वडा नं. ५ मा २०,२० र २३ बर्षीय गरि तीन जना र वडा नं. ६ मा १८ बर्षीय एक युवामा कोरोना संक्रमन देखिएको छ । लमही वडा नं. ५ मा फेला परेकी एकजना २० बर्षीया एक युवती हुन ।

स्रोतका अनुसार बुधवार फेला परेका नयाँ संक्रमित सबै केही दिन अगाडि छिमेकी देश भारतावाट आएर क्वारेन्टिनमा बस्दै आएकाहरु हुन । यसअघि दाङका ५ जनामा संक्रमन देखिएको थियो ।

रुकुम पूर्वमा ३ जनामा

कोरोना नेपालको कान्छो जिल्ला रुकुम पूर्वमा पहिलो पटक कोरोना संक्रमन पुष्टि भएको छ । प्रदेश नं. ५ अन्तरगतको हिमाली जिल्ला रुकुम पूर्वमा बुधवार तीन जनामा कोरोना संक्रमन पुष्टि भएको छ । जिल्लाको पूथा उत्तरगंगा गाउँपालिका वडा नं. १४ का १५, १८ र २३ बर्षका व्यक्तिमा कोरोना संक्रमन पुष्टि भएको छ । संक्रमित मध्य रुकुम पूर्वकी १५ बर्षीया एक किशोरी छिन ।

प्रकाशित मिति: बुधबार, जेठ १४, २०७७ १५:३७

प्रतिक्रिया दिनुहोस्