लकडाउनको मौका छोपेर कपिलवस्तुमा शिक्षकबाटै १५ बर्षीया बालिका बलात्कृत

समाचार

गृहपृष्ठ
समाचार
लकडाउनको मौका छोपेर कपिलवस्तुमा शिक्षकबाटै १५ बर्षीया बालिका बलात्कृत

लकडाउनको मौका छोपेर कपिलवस्तुमा शिक्षकबाटै १५ बर्षीया बालिका बलात्कृत

बिहीबार, जेठ १५, २०७७ बागेश्वरी पोस्ट

तौलिहवा । कोरोना भाइरसका कारण जारी लकडाउनको बेला कपिलवस्तुमा शिक्षकबाटै महाराजगंज नगरपालिका वडा २ उनवलियामा १५ बर्षीया बालिका बलात्कृत भएकी छिन् ।

नगरपालिका वडा नम्बर १ स्थित नेपाल राष्ट्रिय आधारभुत विद्यालय औराहाका शिक्षक २८ बर्षीय गोरखनाथ लोहारले बालिकालाई बलात्कार गरी फरार भएका छन् । लोहारले मंगलवार राति बालिकालाई घरबाट तानेर घरको पछाडि लगी बलात्कार गरेको बालिकाका परिवारले आरोप लगाएका छन् ।

घर पछाडि अचेत अवस्थामा बालिकालाई परिवारले फेला पारेको थियो । सो लगत्तै पीडित बालिकाका परिवारले प्रहरीलाई त्यसबारे जानकारी गराएको थियो । पीडक लोहारलाई समात्न खोज्दा गाउँका केहीले उनलाई भगाएको पीडीत बालिकाको परिवारले गुनासो गरे । बालिकाको बहादुरगंज अस्पतालमा स्वास्थ्य जाँचसमेत गरिएको छ ।

पीडित बालिकाका परिवारले लोहार विरुद्ध वडा प्रहरी कार्यालय चन्द्रौटामा किटानी जाहेरी दिने बताएको छ । बालिकालाई राती बहादुरगंजमा रहेको शिवराज अस्पतालमा स्वास्थ चेकजाँच गरिएको र फरार भएका पिडक लोहारको खोजी कार्य जारी रहेको वडा प्रहरी कार्यालय चन्द्रौटाका प्रहरी निरिक्षक दिपेश खरेलले बताए । लकडाउनका बेला कपिलवस्तुमा बलात्कारका घटना बढेका छन् ।हाम्राकुराडटकमबाट।

प्रकाशित मिति: बिहीबार, जेठ १५, २०७७ ०८:२६