आज १३ ‌औँ गणतन्त्र दिवस, दीपावली गरेर गणतन्त्र दिवस मनाउन अनुरोध

राजनीति

गृहपृष्ठ
राजनीति
आज १३ ‌औँ गणतन्त्र दिवस, दीपावली गरेर गणतन्त्र दिवस मनाउन अनुरोध

आज १३ ‌औँ गणतन्त्र दिवस, दीपावली गरेर गणतन्त्र दिवस मनाउन अनुरोध

बिहीबार, जेठ १५, २०७७ बागेश्वरी पोस्ट

नेपालगन्ज । आज १३ औँ गणतन्त्र दिवस मनाइँदै छ । संविधानसभाको २०६५ जेठ १५ गते बसेको पहिलो बैठकले दुई सय ४० वर्ष पुरानो राजतन्त्रलाई बिदा गर्दै मुलुकमा संघीय लोकतान्त्रिक गणतन्त्र स्थापना भएको घोषणा ग(यो।

उक्त घोषणाले आसन मात्र होइन, देशको शासन नै बदलियो। फेरिएको व्यवस्थासँगै मुलुकमा विद्यमान गरिबी, पछौटेपन, विभेद अन्त्य हुने धेरैको बुझाइ र विश्वास थियो। तर शासन व्यवस्था र शासक फेरिएको १२ वर्ष पूरा हुँदा जनताकोे आशा र अपेक्षा अनुसार काम हुन सकेको छैन। व्यवस्था फेरिए पनि जनताको अवस्था भने फेरिएन, उस्तै छ।

व्यवस्था र शासक फेरिए पनि प्रवृति नबदलिँदा जनताले ७० वर्ष लामो संघर्षबाट मुलुकमा स्थापित संघीय लोकतान्त्रिक गणतन्त्रको वास्तविक अनुभूति गर्न नसकेको आम नागरिकको बुझाइ छ।

दीपावली गरेर गणतन्त्र दिवस मनाउन अनुरोध
गृह मन्त्रालयले ३ दिन दिपावली गरी गणतन्त्र दिवस मनाउन आम नागरिकमा अनुरोध गरेको छ । मन्त्रालयले विज्ञप्ति जारी गरी मन्त्रिपरिषद्को जेठ १२ को निर्णयअनुसार जेठ १४, १५ र १६ गते साँझ घरघरमा दीपावली गरेर गणतन्त्र दिवस मनाउन अनुरोध गरेको हो ।

मन्त्रालयले सङ्घ प्रदेश तथा स्थानीय तहका सम्पूर्ण सरकारी र गैरसरकारी कार्यालय, आम नागरिक एवं विदेशस्थित नेपाली दूतावास, नियोग तथा वाणिज्य दूतावासमा पनि तीन दिन साँझ दीपावली गरी गणतन्त्र दिवस बनाउन विज्ञप्तिमार्फत आग्रह गरेको छ ।

प्रकाशित मिति: बिहीबार, जेठ १५, २०७७ ०८:३१

प्रतिक्रिया दिनुहोस्