जिल्ला संकट व्यवस्थापन केन्द्रको टोली जानकीमा, आजै १ सय १३ स्वाब संकलन गरियो

समाचार

गृहपृष्ठ
समाचार
जिल्ला संकट व्यवस्थापन केन्द्रको टोली जानकीमा, आजै १ सय १३ स्वाब संकलन गरियो

जिल्ला संकट व्यवस्थापन केन्द्रको टोली जानकीमा, आजै १ सय १३ स्वाब संकलन गरियो

आइतबार, जेठ १८, २०७७ बागेश्वरी पोस्ट

नेपालगन्ज । बाँके जानकी गाउँपालिकामा स्थापना गरिएका क्वारेन्टाइनहरुको अवस्था अवलोकन गर्ने पहिलो पटक प्रमुख जिल्ला अधिकारी सहितको जिल्ला संकट व्यवस्थापन केन्द्रका टोली यहाँ पुगेको छ ।

जानकी गाउँपालिकाका विभिन्न वडाहरुमा भारतबाट आएका नागरिकलाई क्वारेन्टाइनमा राखिएको छ । गाउँपालिकाको वडा नं. ३ मानपुरमा रहेको क्वारेन्टानको व्यवस्थापन, सेवा सुविधाको बारेमा गाउँपालिका अध्यक्ष रामनिवास यावदले जानकारी गराउनु भएको थियो । अध्यक्ष यादवले क्वारेन्टाइन विद्यालय संचालन गर्नु पर्ने विकल्प विहित रहेको बताउनु भयो ।

प्रमुख प्रशासकीय अधिकृत हरिबहादुर खत्रीका अनुसार पिसिआर विधिबाट कोरोना संक्रमणको परिक्षण सबै नागरिकलाई गराएर मात्रै उहाँहरुलाई घर पठाउने टोलीलाई जनकारी गराउनु भयो । गाउँपालिकाका विभिन्न क्वारेन्टाइनमा भारतबाट आएका २ सय ४० जना मध्य आज १सय १३ जनाको स्वाब संकलन गरिएको छ । प्रमुख प्रशासकीय अधिकृत खत्रीले भारतबाट आएका नागरिलाई संभावित कोरोना संक्रमणको जोखिम भएको हुना सबैलाई पिसिआर विधिबाटनै कोरोना संक्रमण भए नभएको परिक्षण गरिने बताउनु भयो ।

जानकीको साइगाउँमा ३८ जना, बढैयामा ४० जना, शिवपुरीमा २९ जना, जोगागाउँमा २८ जना रहेका छन् । यसैगरी मानपुरमा ३० जना, रामगाउँमा १९ वेलनियामा २७ र गनापुरमा २९ जना क्वारेन्टाइनमा बसेका छन् । गाउँपालिका क्षेत्रमा स्थापना गरिएका क्वारेन्टाइन व्यवस्थापन र नागरिकलाई दिइएको सेवाका बारेमा जिल्ला संकट व्यवस्थापन समितिलाई जानकारी गराइएको खत्रीले जानकारी दिनु भयो ।

प्रमुख जिल्ला अधिकारी रामबहादुर कुरुमवाङ्गले जानकी गाउँपालिकामा देखिएका समस्या समाधानका लागि पहल गर्ने बताउनु भएको थियो । क्वारेन्टाइन अनुगमनमा बाँकेका नेपाली सेनाका प्रमुख, नेपाल प्रहरीका प्रमुख, सशस्त्रका प्रहरी, राष्ट्रिय अनुसन्धान विभागका प्रमुख सहितको जिल्ला संकट व्यवस्थापन र सुरक्षा निकाय प्रमुखको सहभागिता रहेको थियो ।

प्रकाशित मिति: आइतबार, जेठ १८, २०७७ १९:०५

प्रतिक्रिया दिनुहोस्