वैकल्पिक उपाय अपनाउँदै १ असारदेखि पठनपाठन सुरु हुने

राजनीति

गृहपृष्ठ
राजनीति
वैकल्पिक उपाय अपनाउँदै १ असारदेखि पठनपाठन सुरु हुने

वैकल्पिक उपाय अपनाउँदै १ असारदेखि पठनपाठन सुरु हुने

आइतबार, जेठ १८, २०७७ बागेश्वरी पोस्ट

शिक्षा, विज्ञान तथा प्रविधि मन्त्री गिरिराजमणि पोखरेल

काठमाडौं । शिक्षा, विज्ञान तथा प्रविधि मन्त्री गिरीराजमणी पोखरेलले असार १ गतेबाट विद्यालय सञ्चालन गर्न निर्देशन दिएको छ । शिक्षा, विज्ञान तथा प्रविधि मन्त्री गिरिराजमणि पोखरेलले आइतबार विज्ञप्ति जारी गरेर विद्यार्थीको सिकाइ सहजीकरण गर्नेसम्बन्धी निर्देशिका जारी भएकाले सोही अनुसार कार्यान्वयन गर्न, गराउन संघ, प्रदेश र स्थानीय तहका सम्बद्ध सबै निकायहरू तथा सरोकारवाला सबैलाई आह्वान गरेका छन् ।

शिक्षामन्त्री पोखरेलद्वारा जारी विज्ञप्तिमा भनिएकाे छ, 'बालबालिकाको नियमित पठन पाठनको सहज अवस्था सिर्जना गर्नका लागि दूर तथा खुला शिक्षा लगायत वैकल्पिक प्रणालीबाट सिकाइमा सहजीकरण गर्न हालै यस मन्त्रालयबाट वैकल्पिक प्रणालीबाट विद्यार्थीको सिकाइ सहजीकरण गर्नेसम्बन्धी निर्देशिका, २०७७ जारी गरिएको छ । यस सन्दर्भमा सो निर्देशिकालाई यही १ असार २०७७ देखि कार्यान्वयन गर्न, गराउन संघ, प्रदेश र स्थानीय तहका सम्बद्ध सबै निकायहरू तथा सरोकारवाला सबैलाई हार्दिक आव्हान गर्दछु ।'