कोरोना संक्रमितको स्वास्थ्य अवस्थाबारे बुझ्न नरैनापुरका अध्यक्ष शाह आइसोलेसन केन्द्रमा

समाचार

गृहपृष्ठ
समाचार
कोरोना संक्रमितको स्वास्थ्य अवस्थाबारे बुझ्न नरैनापुरका अध्यक्ष शाह आइसोलेसन केन्द्रमा

कोरोना संक्रमितको स्वास्थ्य अवस्थाबारे बुझ्न नरैनापुरका अध्यक्ष शाह आइसोलेसन केन्द्रमा

आइतबार, जेठ १८, २०७७ बागेश्वरी पोस्ट

नेपालगञ्ज । बाँकेको नरैनापुर गाउँपालिकाका अध्यक्ष इस्तियाक अहमद शाहले आइसोलेसन केन्द्रमा बसेका आफ्नो गाउँपालिकाका कोरोना संक्रमितहरुको स्वास्थ्य अवस्थाबारे जानकारी लिनुभएको छ ।

उहाँले आज खजुरास्थित कृषि व्यवसाय प्रबद्र्धन तथा तालिम केन्द्रको छात्रावासमा बसेका संक्रमितहरुको स्वास्थ्य अवस्थाबारे जानकारी लिनुभएको हो । अध्यक्ष शाहले त्यहाँ खटिएका स्वास्थ्यकर्मी र सुरक्षाकर्मीसंग उनीहरुको स्वास्थ्य अवस्थाबारे जानकारी लिनुभयो । त्यस्तै संक्रमितहरुसंग पनि उनीहरुको स्वास्थ्य अवस्था, खानपिन र बसाईको अवस्थाबारे सोध्नुभएको थियो । क्वारेन्टाइनमा खटिनुभएका जनस्वास्थ्य निरिक्षक नरेश कुमार खत्रीले सबैको स्वास्थ्य अवस्था सामान्य रहेको बताउनुभयो । आफूहरुको अवस्थाबारे बुझ्न गाउँपालिका अध्यक्ष त्यहाँ पुगेपछि उनीहरु खुसी भएका थिए ।

गाउँपालिकाका अध्यक्ष शाहले उनीहरुको हौसला र आत्मविश्वास बढाउन आफू त्यहाँ पुगेको बताउनुभयो । आफूले उनीहरुलाई दुरी कायम गरेर बस्न, खानपिन र सरसफाईमा ध्यान दिन आग्रह गरेको बताउनुभयो । शाहसंगै वडा नम्बर २ का अध्यक्ष मसुद अहमद शाह पनि त्यहाँ पुग्नुभएको थियो । उनीहरु ९ दिनदेखि त्यहाँ बसिरहेका छन् । त्यहाँ नरैनापुर गाउँपालिकाका ३९ जनालाई राखिएको छ ।

यो बाहेक नरैनापुरका संक्रमितहरुलाई खजुरास्थित सुशील कोइराला प्रखर क्यान्सर अस्पताल, लायन्स डेण्टल अस्पताल, पिपिरीस्थित कृषि विकास बैंकको तालिम केन्द्र र दाङको बेलझुण्डीस्थित कोरोना विशेष अस्पतालमा राखिएको छ । नरैनापुरमा मात्रै हालसम्म कालाफाँटामा कार्यरत गुल्मीका एक प्रहरी जवानसहित १ सय १६ जनामा संक्रमण पुष्टि हुँदा १ जनाको मृत्यु भएको छ भने ३ जना निको भएर घर फर्केका छन् ।