बाँकेको अगैयामा फोर्स गाडी दुर्घटना १२ जनाको मृत्यु, २१ जना घाइते

समाचार

गृहपृष्ठ
समाचार
बाँकेको अगैयामा फोर्स गाडी दुर्घटना १२ जनाको मृत्यु, २१ जना घाइते

बाँकेको अगैयामा फोर्स गाडी दुर्घटना १२ जनाको मृत्यु, २१ जना घाइते

सोमबार, जेठ १९, २०७७ बागेश्वरी पोस्ट

फोटो : खबरहब

नेपालगन्ज । नेपालगन्जबाट सल्यानतर्फ गैरहेको फोर्स गाडी बाँकेको राप्तीसोनारी–२ स्थित ठुरिया जंगलमा दुर्घटना हुँदा सवारी चालक समेत गरि १२ जनाको मृत्यु भएको छ । ना ५ ख ५९९५ नम्बरको फोर्स गाडी भारतबाट फर्केका मानिसहरुलाई लिएर नेपालगन्जदेखि सल्यान जादै गरेको थियो । उक्त फोर्स गाडी रोकि राखेको बा ४ ख ९०६४ नम्बरको ट्रकमा ठोक्किदा ११ जनाको घटनास्थलमै र १ जनाको भेरी अस्पतालमा उपचारका क्रममा मृत्यु भएको प्रहरीले जनाएको छ । मृतकमध्ये ११ पुरूष र १ महिला छन् । दुर्घटना आज राती करिव १ बजे तिर भएको थियो । फोर्स गाडीमा ३३ जना सवार थिए ।

दुर्घटनामा २१ जना घाइते भएका छन् । उनीहरुको भेरी अस्पतालमा नेपालगन्जमा उपचार भइरहेको छ । जसमध्ये ३ जना गम्भीर रहेको भेरी अस्पतालले जनाएको छ ।

भारतबाट फर्किएकाहरूलाई सम्बन्धित जिल्लाका स्थानीय तहसँग समन्वय गरेर पठाइने गरिएकाले मृतक सबै सल्यानकै हुन सक्ने प्रहरीले जनाएको छ ।

प्रकाशित मिति: सोमबार, जेठ १९, २०७७ ०६:३८