बाँकेमा पिसिआर परिक्षण गर्न ४१६५ नमुना संकलन, हालसम्म २ सय १३ पोजिटिभ

समाचार

गृहपृष्ठ
समाचार
बाँकेमा पिसिआर परिक्षण गर्न ४१६५ नमुना संकलन, हालसम्म २ सय १३ पोजिटिभ

बाँकेमा पिसिआर परिक्षण गर्न ४१६५ नमुना संकलन, हालसम्म २ सय १३ पोजिटिभ

बिहीबार, जेठ २२, २०७७ बागेश्वरी पोस्ट

नेपालगन्ज। बाँकेमा हालसम्म पिसिआर परिक्षणका लागि ४ हजार १ सय ६५ नमुना संकलन भएको छ ।

जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठका अनुसार सबैभन्दा बढी नमुना संकलन नेपालगञ्ज उमहानगरपालिकाबाट भएको छ ।

नेपालगञ्जबाट १ हजार ५ सय २३ नमुना लिइएको छ भने दोस्रोमा सबैभन्दा बढी संक्रमित देखिएको नरैनापुर गाउँपालिकाबाट ९ सय ९६ स्याम्पल कलेक्सन भएको छ । पालिका मध्ये सबैभन्दा कम बैजनाथबाट ४१ नमुना संकलन भएको छ ।

त्यस्तै खजुराबाट ३ सय ३८, राप्तीसोनारी २ सय ७३, डुडुवा १ सय ८०, जानकी १ सय २०, कोहलपुर १ सय १५, धार्मिक स्थलबाट ३ सय २, भेरी अस्पताल १ सय ४६, नेपालगञ्ज मेडिकल कलेज १ सय २२ र आर्मी अस्पतालबाट ९ वटा स्याम्पल कलेक्सन गरिएको श्रेष्ठले जानकारी दिनुभयो ।

संकलन गरेर परिक्षण भएका मध्ये ३ हजार ९ सय ५२ वटा नेगेटिभ हुँदा २ सय १३ पोजिटिभ देखिएको छ । पोजिटिभ देखिएका मध्ये नरैनापुरमा सबैभन्दा बढी १ सय १८, नेपालगञ्ज ३१, राप्तीसोनारी २६, डुडुवा २५, बैजनाथ ८ र खजुरामा ५ जना संक्रमित छन् ।

प्रकाशित मिति: बिहीबार, जेठ २२, २०७७ १०:४६