बाँकेमा ४२ थपिए, जानकीमा पहिलोपटक एकै दिन ४० जनामा संक्रमण

समाचार

गृहपृष्ठ
समाचार
बाँकेमा ४२ थपिए, जानकीमा पहिलोपटक एकै दिन ४० जनामा संक्रमण

बाँकेमा ४२ थपिए, जानकीमा पहिलोपटक एकै दिन ४० जनामा संक्रमण

बिहीबार, जेठ २२, २०७७ बागेश्वरी पोस्ट

नेपालगञ्ज । बाँकेमा आज ४२ जना कोरोना संक्रमित थपिएका छन् । जानकी गाउँपालिकामा पहिलोपटक एकैचोटी ४० जनामा संक्रमण पुष्टि भएको छ ।

त्यस्तै नेपालगञ्जको वडा नम्बर १२ र १५ मा क्रमशः ३५ र २० बर्षका दुई जना पुरुषमा संक्रमण देखिएको छ । भेरी अस्पताल नेपालगञ्जमा गरिएको परिक्षणमा जानकीको वडा नम्बर १ का १५ देखि ३२ बर्षका ४० जना पुरुषमा संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

अब बाँकेमा यो संगै कोरोना संक्रमितको संख्या २ सय ५५ पुगेको छ । २९ जना उपचारपछि घर फर्किंदा एकजनाको भने मृत्यु भइसकेको छ । नरैनापुरमा १ सय १८, जानकी ४०, नेपालगञ्ज ३३, राप्तीसोनारी २६, डुडुवा २५, बैजनाथ ८ र खजुरामा ५ जनामा संक्रमण देखिएको छ ।

कोहलपुरमा अहिलेसम्म संक्रमण देखिएको छैन । नेपालमा आज मात्रै ३ सय ३४ जनामा संक्रमण देखिएको छ । यो संगै नेपालमा कुल संक्रमित २ हजार ६ सय ३४ पुगेका छन् । २ सय ९० जना निको भएर डिष्चार्ज हुँदा १० जनाले ज्यान गुमाइसकेका छन् ।