दाङमा इन्स्पेक्टरलाई आक्रमण गर्ने दुई जना पक्राउ

समाचार

गृहपृष्ठ
समाचार
दाङमा इन्स्पेक्टरलाई आक्रमण गर्ने दुई जना पक्राउ

दाङमा इन्स्पेक्टरलाई आक्रमण गर्ने दुई जना पक्राउ

शुक्रबार, जेठ २३, २०७७ बागेश्वरी पोस्ट

तुलसीपुर( दाङ ) । प्रहरी निरीक्षक मोहन बिक्रम केसीमाथि कुटपिट गर्ने दुईजना पक्राउ परेका छन् ।

इलाका प्रहरी कार्यालय खिलतपुर दाङका प्रहरी निरीक्षक केसीलाई गएराती मापसे गरेका बाबुछोराले कुटपिट गरेका थिए।पक्राउ पर्नेमा बबई गाउँपालिका ६ का ४५ वर्षीय चित्रबहादुर डाङ्गी र उनका छोरा २७ वर्षीय हेमलाल डाङ्गी रहेका छन् ।

पक्राउ परेका बाबुछोरा सग अनुसन्धान भइरहेको तुलसीपुरका प्रहरी प्रमुख डिएसपी शिव बहादुर सिंहले जानकारी दिएका छन् । गए राति साढे १० बजे बाबुछोरा मापसे गरी होहोल्ला गर्दै आएका बेला प्रहरी निरीक्षक केसीले सम्झाउन खोजेका थिए।

त्यसपछि केसीमाथि ढुङ्गा हानेको डिएसपी सिंहले जानकारी दिए। इन्स्पेक्टर केसीको टाउकोमा चोट लागेको छ। उनको राप्ती प्रादेशिक अस्पतालमा तुलसीपुरमा उपचार भइरहेको छ।

प्रकाशित मिति: शुक्रबार, जेठ २३, २०७७ १५:५०