नरैनापुरका १२ सहित बाँकेका १३ जना कोरोना संक्रमित डिष्चार्ज

समाचार

गृहपृष्ठ
समाचार
नरैनापुरका १२ सहित बाँकेका १३ जना कोरोना संक्रमित डिष्चार्ज

नरैनापुरका १२ सहित बाँकेका १३ जना कोरोना संक्रमित डिष्चार्ज

जिल्लामा निको हुनेको संख्या ४१ पुग्यो

शुक्रबार, जेठ २३, २०७७ बागेश्वरी पोस्ट

फाइल फोटो

नेपालगञ्ज । बाँकेमा आज १३ जना कोरोना संक्रमित डिष्चार्ज भएका छन् ।

नेपालगञ्जको खजुरारोडस्थित लायन्स डेण्टल अस्पताल र खजुराको सुशील कोइराला प्रखर क्यान्सर अस्पतालमा उपचाररत १६ देखि ५५ बर्षका १३ जना आज निको भएर घर गएका हुन् ।

उनीहरु १४ देखि ३० औं दिनको अवधिमा कारोनामुक्त भएर घर फर्केको स्वास्थ्य तथा जनसंख्या मन्त्रालयले जनाएको छ । लायन्स डेण्टलबाट नरैनापुर गाउँपालिकाका १२ जना पुरुष र क्यान्सर अस्पतालबाट नेपालगञ्ज उपमहानगरपालिकाको वडा नम्बर ८ जोल्हनपुर्वाकी ५५ बर्षीया महिला निको भएर घर फर्केका हुन् ।

यो संगै बाँकमा कोरोनामुक्त भएर घर फर्कनेको संख्या ४१ पुगेको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

नेपालगञ्जका २६ जना र नरैनापुरका १५ जना निको भएर घर फर्केका हुन् । जिल्लामा कुल संक्रमित २ सय ५५ जना छन् । एकजना संक्रमितको मृत्यु भइसकेको छ।

प्रकाशित मिति: शुक्रबार, जेठ २३, २०७७ १७:१३

प्रतिक्रिया दिनुहोस्