आज देशभर ३२३ जना कोरोना संक्रमित भेटिए

समाचार

गृहपृष्ठ
समाचार
आज देशभर ३२३ जना कोरोना संक्रमित भेटिए

आज देशभर ३२३ जना कोरोना संक्रमित भेटिए

मंगलबार, जेठ २७, २०७७ बागेश्वरी पोस्ट

नेपालगन्ज । नेपालमा थप ३२३ जनामा कोरोना संक्रमण भेटिएको छ । मन्त्रालयकाअनुसार सबैभन्दा धेरै महात्तेरीमा ५० जना कोरोना संक्रमित थपिएका छन् । धनुषामा ४५, चितवनमा २४, रौतहटमा २१, रुपन्देहीमा २०, कञ्चनपुरमा १९, सर्लाहीमा १७ र नवलपुरमा १५ जनामा संक्रमण पुष्टि भएको छ ।

यस्तै सल्यान, नवलपरासी र सिराहामा १२/१२, बाग्लुङमा ११, कपिलवस्तु र दार्चुला १०/१०, बाँके ९, डडेलधुरा र सप्तरीमा ७/७, दाङ ६, सुर्खेत ४, मोरङ ३ र जुम्ला र नुवाकोट २/२ जनाको कोरोना परीक्षण रिपोर्ट पोजेटिभ आएको छ ।

इलाम, सुनसरी, धादिङ, म्याग्दी र कैलालीमा एकएक जनामा संक्रमण पुष्टि भएको छ ।

स्वास्थ्य तथा जनसंख्या मन्त्रालयले मंगलबार गरेको नियमित पत्रकार सम्मेलनमा प्रवक्ता डा. जागेश्वर गौतमले दिएको जानकारी अनुसार कुल संक्रमितको संख्या ४ हजार ८५ पुगेको छ ।

प्रवक्ता डा. गौतमका अनुसार हालसम्म देशभर ५८४ जना कोरोना संक्रमित उपचारपछि डिस्चार्ज भएका छन् ।

पछिल्लो २४ घण्टामा ९६ जनाले कोरोना भाइरसको संक्रमण जितेका छन् । योसँगै नेपालमा कोरोना संक्रमितको संख्या चार हजार ८५ पुगेको छ । नेपालमा कोरोना भाइरसबाट मृत्यु हुनेको संख्या १५ पुगेको छ ।

प्रकाशित मिति: मंगलबार, जेठ २७, २०७७ १७:२३