भारतबाट ल्याउदै गरेको १०० पोका सुर्ती कम्दी प्रहरीद्वारा बरामद

समाचार

गृहपृष्ठ
समाचार
भारतबाट ल्याउदै गरेको १०० पोका सुर्ती कम्दी प्रहरीद्वारा बरामद

भारतबाट ल्याउदै गरेको १०० पोका सुर्ती कम्दी प्रहरीद्वारा बरामद

आइतबार, जेठ ३२, २०७७ बागेश्वरी पोस्ट

नेपालगन्ज। बाँकेको डुडुवा गाउँपालिका वडा नम्बर ४ राप्ती पुलबाट प्रहरीले आज बिहान साढे ९ बजे भारतबाट ल्याउदै गरेको अवैध सुर्तीजन्य सामन बरामद गरेको छ।

ईलाका प्रहरी कार्यालय कम्दीका प्रहरी प्रमुख प्रहरी नायब निरीक्षक सुरेन्द्र कुमार पन्तको कमान्डको टोलीले डुडुवा ४ राप्तीपुलमा चेकजाँच को क्रममा मोटरसाइकलमा राखेर दूध बोक्ने भाडोमा लुकाएर ल्याएको १०० पोका सुपरपावर सुर्ती बरामद गरेको छ।

सुर्तीसगै प्रहरीले भे ४प ५७६७ नम्बरको मोटरसाकल र दुईजनालाई नियन्त्रणमा लिएको प्रहरी नायब निरीक्षक पन्तले बताए। सुपरपावर सुर्तीको अहिले बजारमा कालोबजारी समेत धेरै भइरहेको छ। बजारमा अहिले उक्त सुर्तीको लुकिछिपी एक प्याकेटको ३५ रुपैयाँदेखि १०० रुपैयाँ सम्म बिक्री हुने गरेको पाइन्छ।

सुपरपावर सुर्तीको एक पोकामा २० प्याकेट सुर्ती हुन्छ। बरामद गरिएको १०० पोका सुर्ती, मोटर्साइकलसहित २ जनालाई जिल्ला प्रहरी कार्यालय बाँके पठाइएको प्रहरी नायब निरीक्षक पन्तले भने। कम्दी प्रहरीमा पन्त आएदेखी तस्करी नियन्त्रण गर्दै आएका छन् । उनले चोरीपैठारी आफुले नसहने बताउछन् ।

प्रकाशित मिति: आइतबार, जेठ ३२, २०७७ ११:१५

प्रतिक्रिया दिनुहोस्