बाँकेमा कोरोनाबाट मृत्यु हुनेको संख्या दुई पुग्यो

समाचार

गृहपृष्ठ
समाचार
बाँकेमा कोरोनाबाट मृत्यु हुनेको संख्या दुई पुग्यो

बाँकेमा कोरोनाबाट मृत्यु हुनेको संख्या दुई पुग्यो

बुधबार, असार ३, २०७७ बागेश्वरी पोस्ट

नेपालगन्ज । बाँकेमा उपचारको क्रममा मृत्यु भएकी महिलामा कोरोना संक्रमण पुष्टि भएको छ ।

बैजनाथ गाउँपालिका वडा नम्बर ६ की ४६ वर्षीया महिलाको नेपालगन्ज मेडिकल कलेज कोहलपुरको आइसियुमा उपचारका क्रममा सोमबार साँझ साढे ६ बजेतिर मृत्यु भएको थियो ।

सोमबार मृत्युु हुनु अघि स्वाब लिइएको ती महिलाको हिजो साँझ कोरोना रिपोर्ट पोजिटिभ आएको प्रमुख जिल्ला अधिकारी रामबहादुर कुरुम्वाङले जानकारी दिनुभयो । अस्पतालका अनुसार निमोनियाले पीडित ती महिलाको स्वास्थ्य अवस्था गम्भीर हुँदै गएपछि जेठ ३० गते अस्पताल भर्ना गरिएको थियो ।

मृतक महिलाको शव अस्पतालमै राखिएको छ । शवको आज ब्यवस्थापन गरिने जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । बाँकेमा कोरोना भाइरसबाट मृत्यु हुने उनी दोस्रो व्यक्ति हुन् ।

यसअघि गत जेठ ४ मा नरैनापुर गाउँपालिका वडा नम्बर ५ का २५ वर्षीय युवकको कोरोनाबाटै मृत्यु भएको थियो ।

प्रकाशित मिति: बुधबार, असार ३, २०७७ १०:३९