अर्घाखाँचीको क्वारेन्टाइनमा आत्महत्या गरेका ब्यक्तिको कोरोना पोजेटिभ

समाचार

गृहपृष्ठ
समाचार
अर्घाखाँचीको क्वारेन्टाइनमा आत्महत्या गरेका ब्यक्तिको कोरोना पोजेटिभ

अर्घाखाँचीको क्वारेन्टाइनमा आत्महत्या गरेका ब्यक्तिको कोरोना पोजेटिभ

बिहीबार, असार ४, २०७७ बागेश्वरी पोस्ट

बुटवल । भारतको पन्जाब बाट आएर अर्घाखाँचीको शितगंगा नगरपालिकाको क्वारेन्टिनमा आत्महत्या गरेका ४४ वर्षका पुरुषमा कोरोना संक्रमण पुष्टि भएको छ ।

आरडीटी रिपोर्ट पोजेटिभ आएका शितगंगा–५ का देबबहादुर विकले मंगलबार राति रुखमा झुण्डिएर आत्महत्या गरेका थिए । विकको जेठ २४ गते आरडीटी परीक्षणमा पोजेटिभ रिपोर्ट आएपछि जेठ २५ गते पीसीआर परीक्षणका लागि उनको स्वाबको नमूना संकलन गरेर प्रादेशिक प्रयोगशाला भैरहवा पठाइएको थियो ।

त्यसको ११ दिनपछि उनको रिपोर्ट पोजेटिभ आएको हो । पीसीआर रिपोर्ट नआउन्जेल बुधबार दिनभर उनको शव रुखमै झुण्डिएकै अवस्थामा थियो ।उनको शवलाई नेपाली सेनाले जङ्गलमा गाडेको हो।

प्रकाशित मिति: बिहीबार, असार ४, २०७७ १२:१५