नेकपा सचिवालय बैठक : विदेशी बुहारीलाई ७ वर्षपछि मात्रै अंगीकृत नागरिकता दिने

राजनीति

गृहपृष्ठ
राजनीति
नेकपा सचिवालय बैठक : विदेशी बुहारीलाई ७ वर्षपछि मात्रै अंगीकृत नागरिकता दिने

नेकपा सचिवालय बैठक : विदेशी बुहारीलाई ७ वर्षपछि मात्रै अंगीकृत नागरिकता दिने

शनिबार, असार ६, २०७७ बागेश्वरी पोस्ट

काठमाडौं । नेकपाको सचिवालय बैठकले नेपाली पुरुषसँग विवाह गर्ने विदेशी महिलाले वैवाहिक अंगिकृत नागरिकता प्राप्त गर्न विवाह भएकाे सात वर्ष पूरा भएकाे र सम्बन्धित देशकाे नागरिकता परित्यागकाे प्रक्रिया आरम्भ गरेकाे प्रमाण प्रस्तुत गर्नुपर्ने व्यवस्था गरी नागरिकता विधेयक अघि बढाउने निर्णय गरेको प्रवक्ता नारायणकाजी श्रेष्ठले जानकारी दिए ।

संसदमा विचाराधीन नागरिकता ऐन संशोधन विधेयकमाथि भएको छलफलमा सचिवालयको बैठकले नेपाली पुरुष नागरिकसँग विवाह गर्ने विदेशी महिला नागरिकलाई नेपालको अंगीकृत नागरिकता प्राप्त गर्न सात वर्ष कुर्नुपर्ने प्रावधान राख्ने निर्णय गरेको हो ।

हाल नेपाली पुरुषसँग बिहे गर्ने विदेशी महिलाले तत्कालै नेपालको अंगीकृत नागरिकता पाउने व्यवस्था छ ।

संसदको राज्य व्यवस्था तथा सुशासन समितिमा छलफलकै क्रममा रहेको विधेयक राजनीतिक सहमति जुटाएरै पठाउने भन्दै केही दिनदेखि राजनीतिक सहमतिको प्रयास गरिएको थियो ।

शुरुमा काँग्रेसमा पार्टीमा छलफल गर्ने भन्दै समय मागेको थियो भने पछि गृहमन्त्रीले सरकार र राजनीतिक तहमा सहमति खोज्न केही समय कुर्न आग्रह गरेका थिए । गृहमन्त्रीको आग्रहपछि गत बुधबारको समिति बैठकमा राजनीतिक सहमतिका लागि ५ दिन कुर्ने निर्णय भएको थियो ।

प्रकाशित मिति: शनिबार, असार ६, २०७७ १५:३४

प्रतिक्रिया दिनुहोस्