तरुण दल बाँकेले भोली जिल्ला प्रशासन कार्यालय घेराउ गर्दै,तरुण दलको आन्दोलन केबल कार्यकर्ता पक्राउ सम्बन्धमा

राजनीति

गृहपृष्ठ
राजनीति
तरुण दल बाँकेले भोली जिल्ला प्रशासन कार्यालय घेराउ गर्दै,तरुण दलको आन्दोलन केबल कार्यकर्ता पक्राउ सम्बन्धमा

तरुण दल बाँकेले भोली जिल्ला प्रशासन कार्यालय घेराउ गर्दै,तरुण दलको आन्दोलन केबल कार्यकर्ता पक्राउ सम्बन्धमा

मंगलबार, कात्तिक १९, २०७६ बागेश्वरी पोस्ट

नेपालगन्ज । नेपाल तरुण दल बाँकेले बुधबार जिल्ला प्रशासन कार्यालय घेराउ गर्ने भएको छ।नेपालगन्ज तरुण दल सभापति सन्दिप जङ्ग शाह लगायत अन्य ३ जना कार्यकर्तालाई हतियारसहित पक्राउ गरेको बिरोधमा तरुण दल बाँकेले बिरोधका कार्यक्रम गर्न लागेको हो।तरुण दल बाँकेले भोली ११ बजे देखि दुई घन्टा प्रशासन घेराउ गर्न लागेको तरुण दल बाँकेका अध्यक्ष बिरेन्द्र बहादुर शाहले जानकारी दिएका छन् ।अहिले शाह पक्राउको बिरोधमा नेपाली कांग्रेस पार्टी समेत तात्तिएको छ।

पार्टीको कार्यक्रम अनुसार नेपाली कांग्रेस बाँकेकी पार्टी सभापति किरण कोइरालाको नेतृत्वमा सयौं कार्यकर्ताहरु मंगलबार बिहान शाह पक्राउको बिरोधमा जिल्ला प्रशासन कार्यालय बाँकेमा डेलिगेसन गएका हुन् । प्रशासन कार्यालय पुगि पार्टी सभापती कोइराला, जिल्ला सचिब तप्त पौडेल लगायत कांग्रेस नेता लक्ष्मी नारायण शाहले सन्दिप सन्दिप शाह निर्दोश हुँदाहुँदै पक्राउ गरिएको सम्बन्धमा कसैको दबाबमा नआएर प्रहरीले अनुसन्धान गर्नुपर्ने बताएका थिए।

प्रहरीले ग्यारेजवाला लगायत सबै कुराको अनुसन्धान गर्नुपर्ने कुरा निमित्त प्रमुख जिल्ला अधिकारी कृष्ण कान्त उपाध्याय समक्ष कुरा राखेका थिए। कांग्रेसले सन्दिप शाह निर्दोश भएकाले आबश्यक परेमा पोलिग्राफ परिक्षण समेत गर्नुपर्ने हुन सक्ने कांग्रेस नेताहरुले बताएका थिए।

यता निमित्त प्रमुख जिल्ला अधिकारीले यी सबै कुरा प्रमुख जिल्ला अधिकारीलाई बताउने र निशपक्ष रुपमा प्रहरीलाई घटनाको अनुसन्धान गर्न निर्देशन दिने बताएका छन् । डेलेगेसनमा कांग्रेस सभापति सहित उपाध्यक्ष सुनिल नर्सिङ राणा , नेपाल तरुण दल बाँके अध्यक्ष बिरेन्द्र शाह, सांसदहरु, पुर्ब सांसद मैखुलाल बाल्मिकी, वडा अध्यक्षहरु बुद्धि सागर सुवेदी, बिधाराम बर्मा, परशराम बर्मा लगायत अन्य कार्यकर्ताको उपस्थिति रहेको थियो।

बाँके कांग्रेस र तरुण दलको माग यति बेला केबल तरुण दल नेपालगन्ज नगर सभापती लगायत पक्राउ परेका अन्य ३ जनाको रिहाई मात्र रहेको पार्टीका नेताहरु बताउछन् । शाहसहितका अन्य कार्यकर्तालाई कार्तिक १४ गते राती नेपालगन्ज २० स्थित नमस्ते कटेजबाट कोहलपुर प्रहरीले पक्राउ गरेको हो।

प्रकाशित मिति: मंगलबार, कात्तिक १९, २०७६ १४:०४

प्रतिक्रिया दिनुहोस्