कोहलपुर नगरपालिकामा राजस्व परामर्श समितिद्वारा कार्यपालिकामा कर छुटको प्रस्ताव

समाचार

गृहपृष्ठ
समाचार
कोहलपुर नगरपालिकामा राजस्व परामर्श समितिद्वारा कार्यपालिकामा कर छुटको प्रस्ताव

कोहलपुर नगरपालिकामा राजस्व परामर्श समितिद्वारा कार्यपालिकामा कर छुटको प्रस्ताव

शनिबार, असार ६, २०७७ बागेश्वरी पोस्ट

कोहलपुर । बाँकेको कोहलपुर नगरपालिका नगरसभाको तयारीमा जुटेको छ ।

असार १० गते स्थानीय तहले बजेट ल्याउनुपर्ने भएका कारण कोहलपुर नगरपालिकाले पनि आगामी आर्थिक वर्ष २०७७/८८ को बजेट बनाइरहेको छ । यसैवीच नगरपालिकाको राजस्व परामर्श समितिले आगामी आर्थिक वर्ष २०७७/७८ को आन्तरिक राजस्व ५ करोड हाराहारीमा हुने प्रक्षेपण गरेको छ ।

कोभिड-१९ का कारण चालू आर्थिक वर्ष २०७६/७७ को अनुमानित राजस्व ५०% मात्रै संकलन हुने भएको छ । त्यस्तै कोभिड-१९ का कारण उत्पन्न परिस्थितिलाई मध्यनजर गर्दै ब्यवसाय कर, बहाल कर तथा साना सवारी करमा चालू आर्थिक वर्षमा चार महिनाको छुट दिने तथा असोज मसान्तसम्म कर बुझाएमा कुनै पनि थप शुल्क नलिने प्रस्ताव राजस्व परामर्श समितिले कार्यपालिकामा पठाएको उपप्रमुख सन्जुकुमारी थारुले बताउनुभयो ।

साथै बन्दाबन्दीका कारण लामो समय कुनै कारोबार नभएकाले आगामी आर्थिक वर्षको लागि नगरपालिकाले लिने ब्यवसाय कर , बहाल तथा सवारी करमा ३०% छुट दिनका लागि समेत कार्यपालिकालाई अनुरोध गरेको थारुले जानकारी दिनुभयो ।

प्रकाशित मिति: शनिबार, असार ६, २०७७ २१:१७

प्रतिक्रिया दिनुहोस्