राप्तीको बाढीमा फसेकाको उद्दारमा आफै खटिए राप्तीसोनारी गाउँपालिकाका अध्यक्ष थारु

समाचार

गृहपृष्ठ
समाचार
राप्तीको बाढीमा फसेकाको उद्दारमा आफै खटिए राप्तीसोनारी गाउँपालिकाका अध्यक्ष थारु

राप्तीको बाढीमा फसेकाको उद्दारमा आफै खटिए राप्तीसोनारी गाउँपालिकाका अध्यक्ष थारु

आइतबार, असार ७, २०७७ बागेश्वरी पोस्ट

अगैया( बाँके )। बाँकेको राप्ती नदीमा बाढी आएसगै थप जोखिम बढदै गएको छ। नदी बढे सगै फसेकाहरुलाई शनिबार राती ११ बजे सकुशल उद्दार गरिएको छ। बाढीमा फसेकाहरुको राप्ती सोनारी गाउँपालिकाका अध्यक्ष लाहुराम थारु आफै उद्दार कार्यमा खटिनु भएको छ।

राप्ती सोनारी गाउँपालिकाको विभिन्न स्थानको राप्ती नदीको बिचमा केही ब्यक्तिहरु फसेको सूचना पाए लगत्तै गाउँपालिका प्रमुख थारुको नेतृत्वमा गएको नेपाल प्रहरी , सशस्त्र प्रहरीको बिशेष उद्दार टोलीले राप्ती नदीको बिचमा फसेका वडा नम्बर २,३ र ५ मा दस बढी ब्यक्तिहरुको सकुशल उद्दार गरेको छ।

बाढी मापन केन्द्र कुसुममा गरिएको मापनमा शनिबार साझँँ ६ बजे पानीको सतह ५ मिटर ६३ सेन्टिमिटर पुगेको थियो । पानीको सतह बढ्दै गएकाले नदी तटीय क्षेत्रका बासिन्दालाई सतर्क रहन आग्रह बाँकेका प्रमुख जिल्ला अधिकारी रामबहादुर कुरुम्बाङले आग्रह गरेपनि सुचना नपाउदा केही ब्यक्तिहरु राप्ती नदीको बिचमा फसेका थिए।

यता गाउँपालिकाका अध्यक्ष थारु मध्येे रात सम्म राप्ती नदीको तटिय क्षेेेेत्रमा रहेका स्थानियहरुको बस्तुस्थिती बारे बुझ्न गाउँगाउँ पुग्नुभएको थियो। अध्यक्ष थारुले जोखिम स्थानमा रहेका सबैलाई सुरक्षित रहेर बस्न आग्रह गर्नुभएको छ।

प्रकाशित मिति: आइतबार, असार ७, २०७७ ०४:०४