देशको सुरक्षा अवस्था थप सुदृढ बन्दै छ: गृहमन्त्री

राजनीति

गृहपृष्ठ
राजनीति
देशको सुरक्षा अवस्था थप सुदृढ बन्दै छ: गृहमन्त्री

देशको सुरक्षा अवस्था थप सुदृढ बन्दै छ: गृहमन्त्री

मंगलबार, कात्तिक १९, २०७६ बागेश्वरी पोस्ट

बुटवल ।बुटवलमा सोमवारदेखि शुरु भएको प्रदेशस्तरीय सुरक्षा गोष्ठीमा गृहमन्त्री राम बहादुर थापाले देशको शान्ति सुरक्षाको अबस्था थप सुदृढ बन्दै गएको बताएका छन् ।

बिगतमा मुलुकमा बिध्वंस गर्ने र बिखण्डन गर्ने प्रयास भएपनि सरकार त्यसलाई असफल पार्न सफल भएकोले पछिल्लो सममय मुलुकको शाान्ति सुरक्षा थप सुदृढ भएको उनको भनाई छ । सरकार अहिले कानून कार्यान्वयन गराउने र संघीयता कार्यान्वयन गर्ने कार्यमा अगाडी बढेको भन्दै उनले मुलुकको आर्थिक अवस्थासमेत मजबुद बन्दै गएको दाबी गरे।

एक बर्षभित्र मुलुक पूर्ण साक्षर घोषणा हुने बताउँदै गृहमन्त्री थापाले नेपालको अन्तर्राष्ट्रिय सम्बन्धसमेत सुमधुर बन्दै गएको जिकिर गरे ।

संघीय सरकारको गृहमन्त्रालय र प्रदेशको आन्तरिक मामिला तथा कानून मन्त्रालयको आयोजनामा सोमवारदेखि बुटवलमा सुरु भएको ५ नं प्रदेशस्तरीय सुरक्षा गोष्ठीमा प्रदेशका मुख्यमन्त्री शंकर पोखरेल, आन्तरिक मामिला तथा कानून मन्त्री कुलप्रसाद केसी, नेपाल प्रहरी, सशस्त्र प्रहरी, नेपाली सेना, राष्ट्रिय अनुसन्धान बिभागका प्रमुख, १२ वटै जिल्लाका प्रमुख जिल्ला अधिकारी तथा प्रहरी प्रमुखहरुको सहभागिता रहेको थियो।

प्रकाशित मिति: मंगलबार, कात्तिक १९, २०७६ १६:२८

प्रतिक्रिया दिनुहोस्