नेपालगन्जको वडा नंं २२ मा ६० जनाले गरे रक्तदान

समाचार

गृहपृष्ठ
समाचार
नेपालगन्जको वडा नंं २२ मा ६० जनाले गरे रक्तदान

नेपालगन्जको वडा नंं २२ मा ६० जनाले गरे रक्तदान

बुधबार, असार १०, २०७७ बागेश्वरी पोस्ट

नेपालगन्ज ।रक्तदान नै जीवन दान हो भन्ने मुख्य नाराका साथ नेपालगन्ज उपमहानगरपालिका–२२ पुरैनीमा रक्तदान कार्यक्रमको आयोजना गरिएको छ ।

नेपाल रेडक्रस सोसाइटी पुरैनी उपशाखाको आयोजना तथा वडा कार्यालयको सहकार्यमा रक्तदान कार्यक्रमको आयोजना गरिएको हो । उपशाखा सभापति फनबहादुर गुरुङ्गको सभापतित्वमा भएको उद्घाटन सत्रमा बोल्दै नेपाल रेडक्रस सोसाइटीका प्रदेश कोषाध्यक्ष राजकुमार वर्माले रक्तदानप्रतिको जनचेतना ग्रामीण क्षेत्रमा फैलाउन जरुरी रहेको बताउनुभयो ।

उहाँले रक्तदान गर्दैमा मानिस कमजोर नहुने उल्लेख गर्दै यो कुरा आम सर्वसाधरणलाई बुझाउनु अहिलेको आवश्यकता रहेको बताउनुभयो । रेडक्रस बाँकेका सभापति गोर्बधनसिंह सम्झनाले रेडक्रस अहिले कोरोना भाइरस जस्तो महामारीसँग जुधीरहेको भन्दै मानविय सेवामा समर्पित हुन सबैलाई आव्हान गर्नुभयो ।

उहाँले स्थानीय सरकारले समेत रक्तदानको महत्व र आवश्यकता बुझ्न जरुरी रहेको बताउनुभयो । कार्यक्रममा बोल्दै नेपालगन्ज उपमहानगरपालिका–२२ का वडाअध्यक्ष विद्याराम वर्माले कुनै पनि नागरिकहरु रगत अभावमै मृत्युवरण गर्न नपरोस् भन्ने उद्देश्यले वडा कार्यालयले रेडक्रससँग समन्वय गरेर अघि बढेको बताउनुभयो ।

कार्यक्रममा रक्तसंचार केन्द्रका प्रमुख उपेन्द्र रेग्मी, भेरी अस्पताल नेपालगन्जका फिजिसियन डाक्टर पारश श्रेष्ठलगायतको उपस्थिति रहेको थियो । रक्तदान कार्यक्रममा डा. पाण्डेसँगै पत्रकार प्रियास्मृति ढकाल, मधु पौडेललगायत ६० जनाले रक्तदान गर्नुभएको थियो ।

प्रकाशित मिति: बुधबार, असार १०, २०७७ १६:५३

प्रतिक्रिया दिनुहोस्