बाँके सशस्त्र प्रहरीले बरामद गर्‍यो भारतबाट ल्याउदै गरेको २ लाख ३५हजारको अवैध सुर्ती

समाचार

गृहपृष्ठ
समाचार
बाँके सशस्त्र प्रहरीले बरामद गर्‍यो भारतबाट ल्याउदै गरेको २ लाख ३५हजारको अवैध सुर्ती

बाँके सशस्त्र प्रहरीले बरामद गर्‍यो भारतबाट ल्याउदै गरेको २ लाख ३५हजारको अवैध सुर्ती

बिहीबार, असार ११, २०७७ बागेश्वरी पोस्ट

नेपालगन्ज । सशस्त्र प्रहरी बल नम्बर ३० गण बागेश्वरी बाँकेले लकडाउनको समयमा भारतबाट अवैध रुपमा बाँकेमा भित्रीएका सामाग्रीलाई धामाधम बरामद गर्ने कार्य चुस्त बनाएको छ।

सशस्त्र प्रहरीले लकडाउनमा भारतबाट अवैैैध रुपमा भित्रिएका सुर्तीजन्य सामाग्री, काठ लगायत अन्य सामाग्रीलाई बरामद गरि सम्बन्धित कार्यालयमा आबश्यक कारबाहीका लागि समेत पठाउदै आएको छ।

बरामदी सिलसिलामै सशस्त्र प्रहरीले आज बिहान मात्रै फेरि डुडुवा गाउँपालिकाको वडा नम्बर १ को होलियाबाट अवैध रुपमा भारतबाट ल्याउदै सुर्तीजन्य सामाग्री बरामद गरेको छ।

सशस्त्र प्रहरी सहायक निरीक्षक तिर्थ भाटको कमान्डमा गएको टोलीले आज बिहान ४ बजे राप्ती नदीको किनारबाट ७ जना भारतीय ब्यक्तिहरुले पैदल हिडेर ल्याउदै २ लाख ३५ हजार बराबरको अवैध सुपरपावर सुर्ती र बिडी बरामद गरेको हो।

भारतबाट बिहानी समयमा तस्करले बोकेर ल्याउदै गरेको अवस्थामा गस्ती गर्दै गरेको सशस्त्र प्रहरी गाडीलाई देखेपछि तस्करहरुले सुर्तीजन्य सामन छोडेर भारततर्फ भागेको सहायक निरीक्षक भाटले भने।

बरामद गरेको सुपरपावर सुर्ती र बिडीलाई भन्सार कार्यालय बुझाइएको भाटले बताए। सशस्त्र प्रहरीले लकडाउनमा करिब १० लाख बराबरको अवैध सामाग्री बरामद गरिसकेको छ।

प्रकाशित मिति: बिहीबार, असार ११, २०७७ १२:४२

प्रतिक्रिया दिनुहोस्