कोरोनालाई परास्त गरेका वडाअध्यक्ष बस्नेत राहत वितरणमा सक्रिय

समाचार

गृहपृष्ठ
समाचार
कोरोनालाई परास्त गरेका वडाअध्यक्ष बस्नेत राहत वितरणमा सक्रिय

कोरोनालाई परास्त गरेका वडाअध्यक्ष बस्नेत राहत वितरणमा सक्रिय

बिहीबार, असार ११, २०७७ बागेश्वरी पोस्ट

नेपालगन्ज।कोरोना भाइरसलाई जितेर आफ्नो नियमित काममा फर्किएका राप्तीसोनारी गाउँपालिका वडा नम्बर ८ का वडाअध्यक्ष खुमबहादुर बस्नेतले राहत वितरण कार्यमा पुनः सक्रियता देखाएका छन्।

वडाअध्यक्ष बस्नेतको नेतृत्वमा राप्तीसोनारी गाउँपालिका वडा नम्बर ८ ले पुनः राहत वितरणको काम सुरु गरेको हो । कोरोना भाइरसका कारण सरकारले गरेको लकडाउन अहिले केही खुकुलो भएपनि दैनिक ज्याला मजदुरी गरेर जिविकोपार्जन गर्ने समुदाय समस्यामा छन् ।

सोही अनुरुप बिहीबारबाट वडा कार्यालयले पुनः राहत वितरणको काम सुरु गरेको वडा नम्बर ८ का वडाअध्यक्ष बस्नेतले बताए । पछिल्लो पटक १ सय ३४ घरधुरीलाई राहत वितरण गरिएको उनले जानकारी दिए ।

राप्तीसोनारी गाउँपालिका वडा नम्बर ८ को पेरानी, खल्लागाउँ, बालापुर, ओभरी, नयाँगाउँ, वनखेतका स्थानीय बासिन्दालाई राहत वितरण गरिएको बस्नेतले बताए ।

प्रकाशित मिति: बिहीबार, असार ११, २०७७ २१:५९

प्रतिक्रिया दिनुहोस्