लागूऔषध कारोबारको आरोपमा पक्राउ परेका इन्स्पेक्टर शाहीलाई ९ दिन थुनामा राख्न अनुमति

समाचार

गृहपृष्ठ
समाचार
लागूऔषध कारोबारको आरोपमा पक्राउ परेका इन्स्पेक्टर शाहीलाई ९ दिन थुनामा राख्न अनुमति

लागूऔषध कारोबारको आरोपमा पक्राउ परेका इन्स्पेक्टर शाहीलाई ९ दिन थुनामा राख्न अनुमति

शुक्रबार, असार १२, २०७७ बागेश्वरी पोस्ट

काठमाडौं । लागूऔषध कारोबारको आरोपमा ललितपुर प्रहरी परिसर जावलाखेलबाट पक्राउ परेका नेपाल प्रहरीका निरीक्षक रुद्र शाहीलाई ९ दिन हिरासतमा राख्न अदालतले अनुमति दिएको छ ।

जिल्ला अदालत, काठमाडौंले लागूऔषध कारोबार सम्बन्धी कसूरमा अनुसन्धानका लागि ९ दिन थुनामा राख्न अनुमति दिएको लागूऔषध नियन्त्रण ब्युरो, कोटेश्वरका एसपी प्रविण धितालले बताउनुभयो।

पक्राउ परेका शाहीको बयान र उनको संलग्नताबारे विस्तृत अनुसन्धान भइरहेको एसपी धितालले भन्नुभयो। ब्युरोले बुधबार शाहीलाई पक्राउ गर्नुअघि पेप्सीकोलाबाट उदयपुरका एलिसन बस्नेत, बर्दियाका सन्तोषकुमार शाह, काठमाडौंका भुपेश शेरचन र अभियान थपलियालाई लागूऔषधसहित पक्राउ गरेको थियो ।

उनीहरुमाथि अनुसन्धान गर्ने क्रममा घटनामा प्रहरी निरीक्षक शाहीको पनि संलग्नता भेटिएको एसपी धितालले बताउनुभयो। एसपी धितालका अनुसार पक्राउ परेका शाही लागूऔषध सेवनकर्ता र कारोबारी भएको खुल्न आएको छ। प्रहरीले उनीहरुको साथबाट ६६७ थान डाइलेक्स बोतल, १ हजार १ सय ८६ ट्याब्लेट, स्मो प्रोक्सिभोन क्याप्सुल ३ सय ३० थान र एक लाख रुपैयाँ नगद पनि बरामद गरेको छ।

पक्राउ परेका अन्यलाई दश दिन थुनामा राखी अनुसन्धान गर्न अदालतले आदेश दिएको थियो।

प्रकाशित मिति: शुक्रबार, असार १२, २०७७ ११:२७