नेपालगन्जमा किर्ते कागजात बनाएका ग्राहकलाई ऋण दिने बैंकका प्रवन्धक पक्राउ

समाचार

गृहपृष्ठ
समाचार
नेपालगन्जमा किर्ते कागजात बनाएका ग्राहकलाई ऋण दिने बैंकका प्रवन्धक पक्राउ

नेपालगन्जमा किर्ते कागजात बनाएका ग्राहकलाई ऋण दिने बैंकका प्रवन्धक पक्राउ

शुक्रबार, असार १२, २०७७ बागेश्वरी पोस्ट

जिल्ला प्रहरी कार्यालय बाँके

नेपालगन्ज । किर्ते कागजात बनाएका ग्राहकलाई ऋण दिने राष्ट्रिय बाणिज्य बैंक नेपालगन्ज त्रिभुवनचोक शाखाका प्रवन्धक ललितबहादुर शाहीलाई बाँके प्रहरीले पक्राउ गरेको छ ।

नेपालगन्जका सुुनचाँदी ब्यबसायी रिजवान अहमद जसगढले जग्गाको लालपूर्जा, नक्सा, कर तिरेको रसिद सहितका कागजपत्रहरु नक्कली बनाएर राष्ट्रिय बाणिज्य बैंकको त्रिभुवन चोक शाखाबाट एक करोड २५ लाख रुपैयाँ ऋण लिएको घटनामा बैंकका शाखा प्रवन्धक शाही पक्राउ परेको प्रहरीले जनाएको छ ।

जसगढलाई भने प्रहरीले यसअघि नै पक्राउ परिसकेको छ । प्रहरीले किर्ते कागजातको अनुसन्धान गर्दै जाँदा बैंकका प्रवन्धक शाहीलाई पक्राउ गरेको हो । बैंकका अरु कर्मचारीसँग पनि बयान लिने काम भइरहेको प्रहरीले जनाएको छ ।

सरकारी छाप किर्तेको अनुसन्धान सकिएपछि प्रहरीले बैंकिङ कसुरको अनुसन्धान गर्ने जनाएको छ ।

प्रकाशित मिति: शुक्रबार, असार १२, २०७७ १४:२१