अवैध कार्य विरुद्ध खरो रुपमा उत्रदै बाँके प्रशासन,अवैध २४ क्रसरका बत्ती काटियो

समाचार

गृहपृष्ठ
समाचार
अवैध कार्य विरुद्ध खरो रुपमा उत्रदै बाँके प्रशासन,अवैध २४ क्रसरका बत्ती काटियो

अवैध कार्य विरुद्ध खरो रुपमा उत्रदै बाँके प्रशासन,अवैध २४ क्रसरका बत्ती काटियो

सोमबार, असार १५, २०७७ बागेश्वरी पोस्ट

नेपालगन्ज । अवैध कार्य विरुद्ध बाँके प्रशासन खरो रुपमा उत्रिदै छ।बाँके प्रशासनले अवैध रुपमा बाँकेभरी चलेका २४ वटा क्रसर उधोगहरुको बत्ती काटि दिएको छ।

बाँकेमा लाइसेन्स नभएका, नवीकरण नगराएका र कानुन अनुसारको मापदण्ड नपुगेका क्रसर उद्योग चलेका अवैध क्रसर बन्द गर्ने निर्णय अनुसार गए राती सबै अवैध क्रसरका बत्ती काटिएका बाँकेका प्रमुख जिल्ला अधिकारी राम बहादुर कुरुमबाङ्गले बताउनुभयो।

प्रजिअ कुरुमबाङ्गका अनुसार नदीजन्य पदार्थ व्यवस्थापन कार्यविधि २०७५ अनुसार साविकमा दर्ता भएर सञ्चालनमा रहेका उद्योगहरुले पनि स्थानीय निकायको पुनर्संरचना भई कायम भएका स्थानीय तहमा कार्यविधि स्विकृत भएको मितिले ६ महिनाभित्र सूचीकृत भई सञ्चालनको अनुमति लिनुपर्ने प्रावधान छ ।

यस्तै क्रसर बैधानिक हुनलाई उद्योगको क्षमता अनुसार पहाडी क्षेत्रमा दश रोपनी र तराई तथा भित्री मधेशमा कम्तीमा एक विगाहा जग्गा उद्योगको स्वामित्व वा लिजमा रहेको हुनुपर्ने ब्यवस्था छ ।

नयाँ मापदण्ड अनुसार, वन क्षेत्र र नदी क्षेत्रबाट उद्योग कम्तीमा १ किलो मिटर टाढा हुनुपर्ने र अनिवार्य वातारणीय प्रभाव मूल्याङ्कन रिपोर्ट तयार गर्नुपर्दछ। तर यहाँ सञ्चालित क्रसर उद्योगहरु कुनै पनि मापदण्डभित्र नपरेको प्रजिअ कुरुमबाङ्गले बताउनुभयो।जिल्लाका विभिन्न स्थानमा २७ वटा क्रसर रहेकोमा अब ३ वटा मात्र संचालनमा रहनेछन् ।

डुडुवा गाउँपालिकाको जय नेपाल क्रसर, राप्तीसोनारी गाउँपालिकामा रहेको बाबा स्टोन र कोहलपुर नगरपालिका १५ को शिवशंकर क्रसर उद्योग नवीकरण भएका छन्।

प्रकाशित मिति: सोमबार, असार १५, २०७७ ०८:३२

प्रतिक्रिया दिनुहोस्