बाँकेको नरैनापुर, डुडुवा र नेपालगन्ज कोरोनामुक्त

समाचार

गृहपृष्ठ
समाचार
बाँकेको नरैनापुर, डुडुवा र नेपालगन्ज कोरोनामुक्त

बाँकेको नरैनापुर, डुडुवा र नेपालगन्ज कोरोनामुक्त

बाँकेको आइसोलेसनमा अब १८ जना मात्रै

बुधबार, असार २४, २०७७ बागेश्वरी पोस्ट

नेपालगन्ज । बाँकेमा अब १८ जना मात्र आइसोलेसन केन्द्रमा छन् । आज थप ९ जना कोरोना संक्रमित निको भएर डिष्चार्ज भएका छन्।

बनकटुवा प्राथमिक स्वास्थ्य केन्द्र आइसोलेसन केन्द्रबाट बैजनाथ गाउँपालिकाका ७ जना र आइसोलेसन केन्द्र पिपिरीबाट कोहलपुर नगरपालिकाका २ जना निको भएर डिष्चार्ज भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

यो संगै बाँकेमा कोरोना निको भई डिष्चार्ज हुनेको संख्या ३ सय ४८ पुगेको छ । जिल्लामा ३ सय ६८ जनामा संक्रमण पुष्टि हुँदा २ जनाको भने मृत्यु भएको छ । यहाँका तीन वटा पालिका कोरोनामुक्त भएका छन् ।

नरैनापुर, डुडुवा र नेपालगन्ज कोरोनामुक्त भएको श्रेष्ठले जानकारी दिनुभयो । अब आइसोलेसनमा कोहलपुर नगरपालिकाका १०, खजुराका ४, राप्तीसोनारीका २ तथा जानकी र बैजनाथका १/१ जना छन् ।

प्रकाशित मिति: बुधबार, असार २४, २०७७ ११:४०

प्रतिक्रिया दिनुहोस्