प्रहरीले अपहरणकारीलाई गोली प्रहार गर्दै अपहरित बालकलाई गर्यो सकुशल उद्दार

समाचार

गृहपृष्ठ
समाचार
प्रहरीले अपहरणकारीलाई गोली प्रहार गर्दै अपहरित बालकलाई गर्यो सकुशल उद्दार

प्रहरीले अपहरणकारीलाई गोली प्रहार गर्दै अपहरित बालकलाई गर्यो सकुशल उद्दार

बुधबार, कात्तिक २०, २०७६ बागेश्वरी पोस्ट

वीरगन्ज । वीरगन्जमा अपहरणमा परेका एक बालकलाई मुक्त गर्न प्रहरीले अपहरणकारीलाई गोली प्रहार गरेको छ। प्रहरीको गोली प्रहारबाट अपहरणकारी घाइते भएपछि पर्सा प्रहरी बालकलाई सकुशल उद्दार गरेको छ।

काभ्रेबाट एक बालक अपहरण गरी अभिभावकसँग फिरौती लिँदै गर्दा पुगेको प्रहरी टोलीलाई पेस्तोल ताकेपछि प्रहरीले जवाफी फायर खोलेको हो। गएराति वीरगञ्जकै सिर्सिया खाल्वाटोलामा भएको उक्त घटनामा पर्सा प्रहरीले पर्साको पोखरीया नगरपालिका ८ बस्ने राजकुमार दासलाई गोली हानी नियन्त्रणमा लिदै बालकको उद्दार गरेको छ।

प्रहरीले चलाएको गोली दासको दाहिने खुट्टामा लागेको छ । पर्सा प्रहरी प्रमुख सोमेन्द्र सिंह राठोरका अनुसार अपहरणकारी लाई गोली प्रहार गरिएको छ। आज जिल्ला प्रहरी कार्यालय पर्सामा पत्रकार सम्मेलन गरेर विस्तृतमा जानकारी दिने एसपी राठौरले बताए ।

गोली लागेर घाइते भएका अपहरणकारीको नारायणी अस्पतालमा उपचार भइरहेको छ ।

प्रकाशित मिति: बुधबार, कात्तिक २०, २०७६ ०९:२१

प्रतिक्रिया दिनुहोस्