बाँकेमा कोरोना निको हुने ९३.५५ प्रतिशत

समाचार

गृहपृष्ठ
समाचार
बाँकेमा कोरोना निको हुने ९३.५५ प्रतिशत

बाँकेमा कोरोना निको हुने ९३.५५ प्रतिशत

बिहीबार, असार २५, २०७७ बागेश्वरी पोस्ट

फाइल फोटो

नेपालगञ्ज । बैशाख १९ गते पहिलो कोभिड-१९ को केस भेटिएको बाँकेमा त्यसयता जेठको मध्यसम्म संक्रमणदर निकै उच्च गतिमा थियो ।

जेठको अन्त्यतिरबाट विस्तारै ओरोलो लागेको संक्रमणदर अहिले निकै न्यून छ । संक्रमणदर घट्दै गइरहेको र निको हुने दर बढिरहँदा बाँकेमा हालसम्म ९३.५५ प्रतिशत संक्रमितहरु निको भएर घर फर्किएका छन् ।

३ सय ७२ जनामा संक्रमण पुष्टि हुँदा ३ सय ४८ जना निको भएर घर गइसकेको जिल्ला स्वास्थ्य कार्यालय बाँँकेका कोरोना फोकल पर्सन नरेश श्रेष्ठले बताउनुभयो । जेठको पहिलो सातादेखि संक्रमणदर उच्च भएर मध्यसम्म पुग्दा कोरोनाको हटस्पट बनेको नरैनापुर गाउँपालिकामा पछिल्ला समय संक्रमित भेटिएका छैनन् ।

डुडुवामा पनि पछिल्लो समय संक्रमित नभेटिएको श्रेष्ठले बताउनुभयो । बाहिरबाट आएर क्वारेन्टाइनमा बस्नेहरुको संख्या पनि ह्वात्तै घटेकाले संक्रमणदर घटेको हो । अहिले बाँकका क्वारेन्टाइनमा २ सय ४० जना मात्र छन् । कोभिड-१९ का कारण नरैनापुरका एक युवक र बैजनाथकी एक महिलाले भने ज्यान गुमाएका छन् ।

प्रकाशित मिति: बिहीबार, असार २५, २०७७ १३:०७

प्रतिक्रिया दिनुहोस्