बाँकेमा पनि काेभिड-१९ प्रभाव : भाैतिक र वित्तीय प्रगतिमा कमी

राजनीति

गृहपृष्ठ
राजनीति
बाँकेमा पनि काेभिड-१९ प्रभाव : भाैतिक र वित्तीय प्रगतिमा कमी

बाँकेमा पनि काेभिड-१९ प्रभाव : भाैतिक र वित्तीय प्रगतिमा कमी

शुक्रबार, असार २६, २०७७ बागेश्वरी पोस्ट

दशरथ घिमिरे, नेपालगन्ज । सार्वजनिक लेखा समिति प्रदेश नम्बर ५ ले बाँकेको नेपालगन्जमा रहेका विभिन्न डिभिजन कार्यालयका प्रमुखहरुसंग छलफल गरेको छ । चालू आर्थिक बर्ष २०७६/०७७ मा सञ्चालन गरिएका योजनाको आर्थिक र भौतिक प्रगतिको बारेमा जानकारी लिएको हो ।

सार्वजनिक लेखा समितिका सभापति डिल्ली चौधरीको नेतृत्वमा रहेको सार्वजनिक लेखा समितिको अनुगमन टोलीले प्रदेश मन्त्रालय मातहतमा रहेका कार्यालयले गरेका योजना र खर्चको बारेमा जानकारी लिएको हो । कोरोना भाइरसका कारण भएको लकडाउनका कारण योजना कार्यान्वयन र वित्तिय प्रगतिमा कमी आएको जानकारी गराइएको छ ।

सडक पूर्वाधार विकास कार्यालयले चालू आर्थिक बर्षमा ८० प्रतिशत भन्दा माथि प्रगति भएको ३१ योजना, ५० प्रतिशत माथि प्रगति भएको ४ वटा र ५० प्रतिशत भन्दा कम प्रगति भएको ८ वटा योजना रहेको कार्यालय प्रमुख मनिषकुमार अर्यालले जानकारी दिनुभयो ।

बाँकेमा राप्ती बाहेक अन्य खोलाको जोखिम उस्तै
जलस्रोत तथा सिंचाई डिभिजन कार्यालयले राप्ती नदी बाहेक बाँके जिल्लामा अन्य खहरे खोलाले दुःख दिने गरेको छ । तर, खहरे खोलाले पुर्‍याउने जोखिम न्यूनीकरणको लागि तटबन्धको योजना सञ्चालन गर्न बजेट अपुग रहेको कार्यालय प्रमुख पुष्पहरी विश्वकर्माले बताउनुभयो ।

चालू आर्थिक बर्षमा प्राप्त भएको ११ करोड २७ लाख बजेट मध्य पाँच करोड १० लाख बजेट संशोधन गरिएको छ । ३ करोड १८ लाख खर्च भएको छ । बजेट कम प्राप्त हुदा योजना सञ्चालनमा समस्या परेको छ ।

सार्वजनिक लेखा समितिका सभापति डिल्ली चौधरी सहित सदस्य रेवतीरमण शर्मा, कुलप्रसाद पोख्रेल, तिलकराम शर्मा सहितको टोली अनुगमनमा खटिएको छ । यस्तै शुक्रबार भएको छलफलमा प्रदेशसभा सदस्य शंकर गिरी, कृष्णा केसी, मो. याकुब अन्सारी लगायत छलफलमा सहभागी हुनुभएको थियो । प्रदेश सभा सदस्य गिरीले संवादहिनताको अवस्था रहेको भन्दै प्रदेशसभा र सरकारलाई स्थापित गर्न डिभिजन कार्यालय, प्रदेशसभा सदस्यहरुको वीचमा संवाद अनिवार्य रहेको बताउनुभयो ।