नेपालमा नयाँ कोरोना संक्रमितको संख्या दुई अंकमै कायम

समाचार

गृहपृष्ठ
समाचार
नेपालमा नयाँ कोरोना संक्रमितको संख्या दुई अंकमै कायम

नेपालमा नयाँ कोरोना संक्रमितको संख्या दुई अंकमै कायम

पछिल्लो २४ घण्टामा ८२ जनामा संक्रमण

आइतबार, असार २८, २०७७ बागेश्वरी पोस्ट

नेपालगन्ज । नेपालमा आज पनि नयाँ कोरोना संक्रमितको संख्या दुई अंकमै कायम रहेको छ । पछिल्लो २४ घण्टामा ८२ जनामा कोरोना भाइरसकाे सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

३ हजार ९ सय १६ वटा पिसिआर परिक्षणमा ८२ जनामा कोरोना संक्रमण देखिएको मन्त्रालयले जनाएको छ । यो सँगै सङ्क्रमितकाे कुल सङ्ख्या १६ हजार ८ सय १ पुगेको छ ।

पछिल्ला केही दिनमा नेपालमा काेराेना सङ्क्रमितको सङ्ख्या घट्दै गएको छ । १९ गते ७ सय २० जनामा कोरोना देखिएको थियो । २० गते २ सय ३२ जनामा, २१ गते २ सय ९३ जनामा, २२ गते १ सय ८० जनामा, २३ गते २ सय चार जनामा, २४ गते २ सय ५५ जनामा, २५ गते १ सय ८ जना, २६ गते १ सय १८ जना, २७ गते ७० जना र हिजो ८२ जनामा कोरोना पुष्टि भएको छ ।

त्यस्तै विगत २४ घण्टामा कोरोनाबाट १ सय ४७ निको भएका छन् । यी सहित हालसम्म निको हुनेको संख्या ८ हजार ५ सय ८९ पुगेको छ। हालसम्म मृतक ३८ जनामा कोरोना पुष्टि भएको छ।

प्रकाशित मिति: आइतबार, असार २८, २०७७ १७:००

प्रतिक्रिया दिनुहोस्