नेपालगन्जमा मास्क नलगाई हिंँड्ने ११८ जनालाई जरिवाना

समाचार

गृहपृष्ठ
समाचार
नेपालगन्जमा मास्क नलगाई हिंँड्ने ११८ जनालाई जरिवाना

नेपालगन्जमा मास्क नलगाई हिंँड्ने ११८ जनालाई जरिवाना

सोमबार, असार २९, २०७७ बागेश्वरी पोस्ट

जिल्ला प्रशासन कार्यालय,बाँके

नेपालगन्ज । नेपालगन्जमा मास्क नलगाई हिँड्डुल गर्ने १ सय १८ जना कारबाहीमा परेका छन् ।

उनीहरुलाई संक्रामक रोग नियन्त्रण ऐन २०२० बमोजिम जनही १ सयका दरले जरिवाना गरिएको बाँकेका प्रमुख जिल्ला अधिकारी रामबहादुर कुरुम्बाङले बताउनुभयो ।

कोरोना महामारीका बेला अनिवार्य मास्क लगाउनुपर्छ भन्ने सबैले सोच्न जरुरी रहेको र मास्क लगाएर मात्र हिंडडुल गरेमा केही हदसम्म कोरोनाबाट बच्न सकिन्छ भन्ने सोच सबैमा हुनु जरुरी रहेको प्रजिअ कुरुम्बाङले बताउनुभयो ।

"मास्क नलगाए कारबाही गर्ने ठूलो कुरा होइन, मास्क लगाए आफू सुरक्षित हुने हो र संक्रमण फैलिनबाट बच्ने भन्ने हो," प्रजिअ कुरुम्बाङले भन्नुभयो । सरकारले लकडाउन खुकुलो पारेसँगै सर्बसाधारणले मास्क नलगाई हिंड्डुल गर्न थालेपछि गृह मन्त्रालयले कोरोना भाइरस संक्रमण फैलिन नदिन सबैलाई अनिवार्य मास्क लगाई हिंड्डुल गर्न निर्देशन दिएको हो ।

सर्बसाधारणहरु मास्क नलगाई हिंड्डुल गर्न थालेपछि गृह मन्त्रालयले सबै जिल्लामा पत्राचार गर्दै मास्क नलगाए संक्रामक रोग नियन्त्रण ऐन २०२० बमोजिम कारबाही गर्न निर्देशन दिएको हो ।

प्रकाशित मिति: सोमबार, असार २९, २०७७ १६:४५

प्रतिक्रिया दिनुहोस्