नरैनापुरमा आइएनएफद्वारा राहत वितरण

समाचार

गृहपृष्ठ
समाचार
नरैनापुरमा आइएनएफद्वारा राहत वितरण

नरैनापुरमा आइएनएफद्वारा राहत वितरण

शनिबार, साउन ३, २०७७ बागेश्वरी पोस्ट

अरुण यादव (नरैनापुर) । बाँकेको नरैनापुर गाउँपालिकामा आइएनएफले राहत प्रदान गरेको छ । वडा नम्बर ६ को कार्यालयमा गाउँपालिकाका अध्यक्ष इस्तियाक अहमद शाहले वडा नम्बर ६ का २ सय घरपरिवारलाई राहत वितरण गर्नुभएको हो ।

कोरोना कहरपछि उत्पन्न असहज परिस्थितिका कारण समस्यामा परेका घरपरिवारलाई राहत प्रदान गरिएको आइएनएफ बाँकेका प्रबन्धक श्याम विकले बताउनुभयो । प्रत्येक घरपरिवारलाई २५ केजी मसिनो चामल, २ केजी दाल, १ केजी नुन, खाने तेल २ लिटर, सोयाबिन १ केजी र २ वटा साबुन दिइएको छ । यसका अलावा आइएनएफले गाउँपालिका कार्यालयलाई ५ सय लिटर क्षमताको पानी ट्यांकी र स्ट्याण्ड पनि प्रदान गरेको छ ।

गाउँपालिका अध्यक्ष शाहले कोरोनाले नराम्री गाँजेको नरैनापुर अहिले कोरोनामुक्त भएपनि लामो लकडाउन र केही समय लागू भएको निषेधाज्ञाले यहाँका जनतालाई समस्या परेको अवस्थामा विभिन्न संघसंस्थाले गरिरहेको सहयोगले केही सहज भएको बताउनुभयो । उहाँले विपत्संग जुझेको नरैनापुरलाई राहत प्रदान गरेको भन्दै आइएनएफलाई धन्यवाद ज्ञापन गर्नुभयो ।

राहत वितरण कार्यक्रममा वडा नम्बर ६ का वडा सचिव जीवनलाल यादव, जय किसान मावि विद्यालय व्यवस्थापन समितिका अध्यक्ष बृजेन्द्र यादव, आइएनएफका राधा गिरी, यम बहादुर केसी लगायतको उपस्थिति थियो । सेना र प्रहरीको सहयोगमा राहत बाँडिएको थियो ।

प्रकाशित मिति: शनिबार, साउन ३, २०७७ १३:५५

प्रतिक्रिया दिनुहोस्