क्लिन तुलसीपुर, ग्रिन तुलसीपुर बनाउने अभियानमा प्रतिभा टोलमा बृक्षारोपण

समाचार

गृहपृष्ठ
समाचार
क्लिन तुलसीपुर, ग्रिन तुलसीपुर बनाउने अभियानमा प्रतिभा टोलमा बृक्षारोपण

क्लिन तुलसीपुर, ग्रिन तुलसीपुर बनाउने अभियानमा प्रतिभा टोलमा बृक्षारोपण

शनिबार, साउन ३, २०७७ बागेश्वरी पोस्ट

तुलसीपुर, दाङ । प्रतिभा टोल बिकास संस्था तुलसीपुर ५ ङ लाईनमा आज बृक्षारोपण गरिएको छ । तुलसीपुर उपमहानगरको ग्रिन तुलसीपुर क्लिन तुलसीपुर अभियान अन्तरगत उपमहानगरको आर्थिक एवं प्राबिधिक सहयोग तथा टोल बिकास सस्थाको सयोजनमा बृक्षारोपण गरिएको हो ।

तुलसीपुर उपमहानगरपालिकाका वातावरण संयोजक एवं वडा न ६ का अध्यक्ष नवराज लामिछानेले कपुर जातको बिरुवा रोपेर बृक्षारोपणको सुरुवात गरिएको थियो । टोल बिकास संस्थालाई सुन्दर हरियाली र वातावरण मैत्री बनाउने उदेश्यका साथ गरिएको बृक्षारोपणमा राज वृक्ष, बज्रदन्ती, बिरेन्द्र फुल, राउण्ड धुपी, कल्पिफुल, गुलमोर निम, लहरे अशोक, श्रीखण्ड, कपुर, चादनी, कामनी फुल सेतो, रुद्राक्ष, ज्याग्रण्डा निलो फुल लगाएतका १४ प्रजातिका बिरुवा रोपिएको छ ।

बृक्षारोपणको औपचारिक कार्यक्रम टोल बिकास संस्थाका अध्यक्ष प्रेम योगीको अध्यक्षता तथा तुलसीपुर उपमहानगरपालिकाका वातावरण संयोजक लामिछानेको प्रमुख आतिथ्य एवं ग्रीन तुलसिपुर क्लिन तुलसीपुर अभियानका अभियान्ता बिमल रिजालको बिशिस्ट आतिथ्यमा भएको थियो ।

सो अबसरमा तुलसीपुर उधोग बाणिज्य संघका बरिस्ठ उपाध्यक्ष मिनराज भण्डारी, सदस्य टेक प्रकाश केसि, टोल बिकास सस्थाका पदाधिकारी तथा साधारण सदस्य को उल्लेख्य उपस्थित रहेको थियो । कार्यक्रम संचालन टोल बिकास सस्थाका सचिव लक्ष्मण बस्नेतले गर्नु भएको थियो ।

प्रकाशित मिति: शनिबार, साउन ३, २०७७ १४:००

प्रतिक्रिया दिनुहोस्