प्यूठान दुर्घटना : ज्यान गुमाउने सातै जनाको पहिचान खुल्यो

समाचार

गृहपृष्ठ
समाचार
प्यूठान दुर्घटना : ज्यान गुमाउने सातै जनाको पहिचान खुल्यो

प्यूठान दुर्घटना : ज्यान गुमाउने सातै जनाको पहिचान खुल्यो

आइतबार, साउन ४, २०७७ बागेश्वरी पोस्ट

नेपालगन्ज । ट्याक्टर पल्टिदा ७ जनाको ज्यान गएको छ । स्वर्गद्वारी नगरपालिका-३ रुमालेमा शनिबार राति लु १ त ४२३४ नम्बरको ट्रयाक्टर दुर्घटना हुँदा एकै गाउँका ६ जना र अर्का गाउँका १ गरी ७ जनाको मृत्यु भएको हो ।

उक्त ट्याक्टरमा चालकसहित ८ जना रहेको र एकजना भने हाम फालेर ज्यान जोगाउन सफल भएको उनले जानकारी गराए । स्वर्गद्वारीतर्फवाट भिङ्ग्री तर्फ आउदै गरेको ट्याक्टर दुर्घटना परेको हो । ट्याक्टर सडकबाट अन्दाजी ५ सय मिटर तल झरेको निरीक्षक पौडेलले जानकारी दिए ।

रोल्पा रुन्टीगढी गाउँपालिका-५ बाईजा निवासी २१ वर्षीय सागर बस्नेत, २४ वर्षीय रीमबहादुर बस्नेत, १९ वर्षीय वीरेन्द्र बाठा मगर, १९ वर्षीय थमन बाठा मगर, गोवर्धन बुढामगर, २५ वर्षीय कविराम बस्नेत, ट्याक्टर चालक त्रिवेणी गाउँपालिका निवासी २५ वर्षीय कमल कुुँवर रहेको जिल्ला प्रहरी कार्यालय प्यूठानका प्रहरी निरीक्षक विष्णु प्रसाद पौडेलले जानकारी दिए ।

अहिले शव संकलनको काम चलिरहेको स्वर्गद्धारी नगरपालिका-२ का वडा सदस्य विष्णु खनालले जानकारी दिए ।

प्रकाशित मिति: आइतबार, साउन ४, २०७७ ११:५८

प्रतिक्रिया दिनुहोस्