तरुण दल बाँकेले गर्‍यो नेपालगन्जमा बृक्षारोपण

समाचार

गृहपृष्ठ
समाचार
तरुण दल बाँकेले गर्‍यो नेपालगन्जमा बृक्षारोपण

तरुण दल बाँकेले गर्‍यो नेपालगन्जमा बृक्षारोपण

मंगलबार, साउन ६, २०७७ बागेश्वरी पोस्ट

नेपालगन्ज ।वीपी कोइरालाको ३८ औं स्मृति दिवसका अवसरमा तरुण दल बाँकेले मंगलवार नेपालगन्ज उपमहानगरपालिका १३ मा रहेको उदयपुर स्वास्थ्य चौकीको खाली जमिनमा बृक्षारोपण गरेको छ ।

नेपाली काँग्रेस बाँकेका सभापति किरण कोइराला, प्रदेश नम्बर ५ का सांसद तथा काँग्रेस सचेतक सुरेन्द्र हमाल, प्रदेश ५ का सांसद याकुव अनसारीलगायतले बृक्षारोपण गर्नुभएको थियो । बृक्षारोपण अघि आयोजित औपचारिक कार्यक्रममा बोल्ने सहभागी नेताहरुले वीपी कोइरालाको समाजवादको सिद्धान्तलाई काँग्रेसीहरुले विर्सिदै गएको भन्दै चिन्ता व्यक्त गरेका थिए ।

तरुण दल बाँकेका अध्यक्ष वीरेन्द्र बहादुर शाहको सभापतित्वमा भएको कार्यक्रममा बोल्दै प्रदेश नम्बर ५ का सांसद तथा काँग्रेस सचेतक हमालले वीपीको आर्दशलाई सबै नेता तथा कार्यकर्ताहरुले स्मरण गर्नुपर्ने धारणा राख्नुभयो । वर्तमान अवस्थामा वीपीको आर्दशलाई प्रत्येक काँग्रेसीहरुले आत्मसाथ गर्नुपर्ने आवश्यकता उहाँले औल्याउनुभएको छ । पार्टीलाई एक ढिक्का बनाएर अघि बढ्नुको विकल्प नभएको पनि उहाँको तर्क छ ।

उहाँले पार्टी एकताका लागि स्थानीय तहदेखि नै पहल थाल्नुको विकल्प नभएको बताउनुभयो । नेपाली काँग्रेस बाँकेका सभापति किरण कोइरालाले वीपीको विचार र चिन्तनलाई सबैले पालना गर्ने हो भने पार्टी एक भएर अघि बढ्ने धारणा व्यक्त गर्नुभयो । उहाँले पार्टी एक भएमात्र वर्तमान सरकारका गलत कदमहरुको प्रतिवाद गर्न सकिने बताउनुभयो ।

कार्यक्रममा प्रदेश सांसद अन्सारी, संबिधानसभा सदस्य मैकुलाल बाल्मीकि, बादशाह कुर्मी, महासमिति सदस्य लक्ष्मी नारायण शाह, नेता राजकुमार वर्मा, क्षेत्रीय सभापति रमेश कुमार गुप्ता, नेपाल महिला संघका अध्यक्ष नारायणी रुपाखेतीलगायतले आ-आफ्नो धारणा राख्नुभएको थियो ।कार्यक्रममा नेविसंघका नेपालगन्ज नगर सभापति अनुज बर्मा लगायत अन्य विद्यार्थी नेताको उपस्तिथि रहेको थियो।

प्रकाशित मिति: मंगलबार, साउन ६, २०७७ १३:१२

प्रतिक्रिया दिनुहोस्