विपी स्मृति दिवसमा माल्यार्पण र बृक्षारोपण

समाचार

गृहपृष्ठ
समाचार
विपी स्मृति दिवसमा माल्यार्पण र बृक्षारोपण

विपी स्मृति दिवसमा माल्यार्पण र बृक्षारोपण

मंगलबार, साउन ६, २०७७ बागेश्वरी पोस्ट

विपीको शालिकमा माल्यार्पण गर्दै प्रदेश सांंसद् शंकर गिरी लगायत

दाङ । नेपाली काँग्रेसका संस्थापक नेता एवम् प्रथम जननिर्वाचित प्रधानमन्त्री विपी कोइरालाको ३८ औं स्मृति दिवसमा नेपाली कांग्रेस दाङले माल्यार्पण र बृक्षारोपण गरेको छ ।

तुलसीपुरको विपी चोकस्थित विपीको शालिकमा माल्यार्पण गरिएको छ । प्रदेश ५ का सांसद् शंकर गिरी, संविधानसभा सदस्य बुद्धिराम भण्डारी, नेता केशव आचार्य , क्षेत्र नम्बर ३ का क्षेत्रीय सभापति जगत बहादुर खड्का लगायतले विपीको शालिकमा माल्यार्पण गर्नुभएको थियो ।

त्यस अवसरमा बोल्दै प्रदेश सांसद् गिरीले कांग्रेस विपीले देखाएको बाटोमा हिँड्न जरुरी रहेको बताउनुभयो । संविधानसभाबाट संविधान बनाउने विपीको सपना पूरा भएको बताउँदै उहाँले नेपालका नेताहरुले विपीको ब्यक्तित्व र आदर्शलाई अनुशरण गर्न कन्जुस्याइँ गर्न नहुनेमा जोड दिनुभयो ।

यस्तै घोराहीको चौघेरास्थित गोरक्ष रत्ननाथ मन्दिरको परिसरमा विभिन्न प्रजातिका एक सय बढी बिरुवा रोपेको नेपाली कांग्रेस दाङका सभापति किर्तिबहादुर खड्काले जानकारी दिनुभयो ।

कोरोना भाइरसको महामारीलाई मध्यनजर गर्दै औपचारिक कार्यक्रम नगरी माल्यार्पण र बृक्षारोपण गरेर नेपाली राजनीतिका शिखर पुरुष विपीलाई सम्झिएको सभापति खड्काले बताउनुभयो ।

प्रकाशित मिति: मंगलबार, साउन ६, २०७७ २१:२४

प्रतिक्रिया दिनुहोस्