नेपालमा थप एक सय जनामा कोरोना, ज्यान गुमाउनेको संख्या ४२

समाचार

गृहपृष्ठ
समाचार
नेपालमा थप एक सय जनामा कोरोना, ज्यान गुमाउनेको संख्या ४२

नेपालमा थप एक सय जनामा कोरोना, ज्यान गुमाउनेको संख्या ४२

बुधबार, साउन ७, २०७७ बागेश्वरी पोस्ट

नेपालगञ्ज । नेपालमा आज थप एक सय जनामा कोरोना पुष्टि भएको छ । थपिएका सहित देशभर हालसम्म संक्रमितको संख्या १८ हजार ९४ पुगेको छ। त्यस्तै २४ घण्टामा २ सय ७ जना कोरोनाबाट निको भएका छन् । यी सहित हालसम्म कुल १२ हजार ६ सय ८४ जना कोरोनामुक्त भएको मन्त्रालयले जनाएको छ। अब विभिन्न अस्पतालमा ५ हजार ३ सय ७० संक्रमित उपचाररत छन् ।

मन्त्रालयका अनुसार विगत २४ घण्टामा मुलुकका विभिन्न प्रयोगशालाबाट ३ हजार ७ सय ७९ जनाको पिसिआर परीक्षण भएको छ। यस्तै कोरोनाबाट ज्यान गुमाउनेको संख्या ४२ पुगेको छ । पछिल्लो २४ घण्टामा कोरोनाबाट दुई जनाको मृत्यु भएको छ । मन्त्रालयका प्रवक्ता डा. जागेश्वर गौतमले पछिल्लो २४ घण्टामा दुई जनाको कोरोनाबाट मृत्यु भएको जानकारी दिनुभयो ।

महोत्तरीका ६० वर्षीय पुरुषको उपचारका क्रममा गएराति बिपी कोइराला स्वास्थ्य विज्ञान प्रतिष्ठान धरानमा मृत्यु भएको छ । त्यस्तै त्रिभुवन विश्वविद्यालयको शिक्षण अस्पताल महाराजगञ्जमा एक चिनियाँ नागरिकको मृत्यु भएको छ । ४८ वर्षीया चिनियाँ महिलाको उपचारका क्रममा आज विहान मृत्यु भएको मन्त्रालयले जनाएको छ ।

प्रकाशित मिति: बुधबार, साउन ७, २०७७ १६:४३

प्रतिक्रिया दिनुहोस्