नरैनापुरलाई दलितको ज्ञापनपत्र

समाचार

गृहपृष्ठ
समाचार
नरैनापुरलाई दलितको ज्ञापनपत्र

नरैनापुरलाई दलितको ज्ञापनपत्र

दलितका सवाल सम्बोधन हुन्छ:अध्यक्ष शाह

सोमबार, साउन १२, २०७७ बागेश्वरी पोस्ट

अरुण यादव (नरैनापुर), बाँके । दलितका सवाललाई प्राथमिकतामा राख्न ध्यानाकर्षण गराउँदै बाँकेको नरैनापुर गाउँपालिकालाई ज्ञापनपत्र बुझाइएको छ । दलित संघर्ष समिति नरैनापुरले आज गाउँपालिका अध्यक्ष इस्तियाक अहमद शाहलाई ज्ञापनपत्र बुझाएको हो ।

ज्ञापनपत्र बुझ्दै अध्यक्ष शाहले दलितको उत्थानका निम्ति आफू लागिपरेको बताउँदै दलितका सवाल सम्बोधन गर्न गाउँपालिका प्रतिबद्ध रहेको स्पष्ट पार्नुभयो ।

दलितहरुको लागि जनता आवासको व्यवस्था हुनुपर्ने, छात्रवृत्ति तथा अध्ययनको नि:शुल्क व्यवस्थाको व्यवहारिक कार्यान्वयन हुनुपर्ने, दलित विद्यार्थीहरुलाई पोशाक, झोला, कापीकलम उपलब्ध गराइनुपर्ने, विद्यालय व्यवस्थापन समितिको अध्यक्षमा दलितको सहभागिता अनिवार्य हुनुपर्ने, दलित शिक्षक अनिवार्य हुनुपर्ने, विकास निर्माणका काममा दलितको सहभागिता हुनुपर्ने, बेरोजगारलाई स्वरोजगार बनाइनुपर्ने, स्वास्थ्य विमा नि:शुल्क हुनुपर्ने, खानेपानी धारा जडान हुनुपर्ने लगायतका बुँदा ज्ञापनपत्रमा समेटिएको छ ।

दलित संघर्ष समितिका संयोजक मोलहे आर्य धोवी, उपसंयोजक नरेश चमार, दलित संघर्ष समितिका जिल्ला सदस्य बुद्ध बहादुर सुनार, दलित सेवा संघ बाँकेका अध्यक्ष कृष्ण बहादुर विके, दलित सेवा संघ नरैनापुरका अध्यक्ष सियाराम धोवी लगायत अन्य दलित अगुवा तथा सर्वसाधारणको उपस्थितिमा गाउँपालिकालाई ज्ञापनपत्र बुझाइएको थियो ।

त्यस अवसरमा गाउँपालिकाकी उपाध्यक्ष जयन्तीदेवी श्रीवास्तव, वडा नम्बर २ का अध्यक्ष मसुद अहमद शाह, ३ का अध्यक्ष राजकुमार मौर्य लगायत हुनुहुन्थ्यो ।

प्रकाशित मिति: सोमबार, साउन १२, २०७७ १८:४६

प्रतिक्रिया दिनुहोस्