राप्तीसोनारीको विनौनामा डेढ विगाह क्षेत्रफलमा माछापालन

समाचार

गृहपृष्ठ
समाचार
राप्तीसोनारीको विनौनामा डेढ विगाह क्षेत्रफलमा माछापालन

राप्तीसोनारीको विनौनामा डेढ विगाह क्षेत्रफलमा माछापालन

बिहीबार, साउन १५, २०७७ बागेश्वरी पोस्ट

बिनौना( बाँके )। राप्तीसोनारी गाउँपालिकाको वडा नम्बर ५ मा एकैसाथ तीन वटा माछापोखरी सन्चालनमा आएका छन् ।

वडा नम्बर ५ को बिनौनामा आजदेखि सन्चालनमा आएको माछापोखरीको प्रतिनिधिसभा सदस्य महेश्वर गहतराज( अथक) ले उद्घाटन गर्नुभएको थियो । मुनाल एग्रो फर्म बिनौनाले सुरु गरेको ३ वटा माछापोखरीमा ४० हजार माछाका भुरा छोडिएको फर्मका सन्चालक इन्जिनियर प्रेम डाँगीले बताउनुभयो ।

माछापोखरी उद्घाटन कार्यक्रममा बोल्दै प्रतिनिधिसभा सदस्य अथकले माछा फर्म संचालक डाँगीलाई शुभकामना दिंँदै यस्तो खाले कृषि पेशाबाट आर्थिक उन्नति हुने बताउनुभयो । त्यस्तै राप्तीसोनारी गाउँपालिकाका प्रमुख प्रशासकीय अधिकृत दल बहादुर बस्नेतले फर्म संचालकलाई शुभकामना दिनुभएको थियो ।

करिब डेढ बिगाहमा फैलिएको माछापोखरीको सुरुवाती लागत २२ लाख रुपैयाँ रहेको संचालक डाँगीले बताउनुभयो। उद्घाटन कार्यक्रममा वडा नम्बर ५ का अध्यक्ष झगरु थारु, राप्तीसोनारी गाउँपालिकाका लेखा अधिकृत गौरब कुमार लामिछने, एकाउन्टेन्ट कृष्ण रोकाया, वडा नम्बर ५ का वडा सचिब नारायण बिष्ट लगायत सयौं स्थानीयहरुको उपस्थिति रहेको थियो।

प्रकाशित मिति: बिहीबार, साउन १५, २०७७ १७:५०

प्रतिक्रिया दिनुहोस्