नेपालगन्जमा जनप्रतिनिधि र कर्मचारीलाई धमाधम कोरोना देखिँदै

समाचार

गृहपृष्ठ
समाचार
नेपालगन्जमा जनप्रतिनिधि र कर्मचारीलाई धमाधम कोरोना देखिँदै

नेपालगन्जमा जनप्रतिनिधि र कर्मचारीलाई धमाधम कोरोना देखिँदै

जग्गा व्यवसायीदेखि मार्बल पसलेसम्मलाई कोरोना

सोमबार, साउन १९, २०७७ बागेश्वरी पोस्ट

नेपालगन्ज, साउन १९ । नेपालगन्जमा फेरि ९ जनामा कोरोना देखिएको छ । भेरी अस्पतालका अनुसार नेपालगन्ज उपमहानगरपालिकाका ९ जना तथा सल्यानको त्रिवेणी र बागचौरका २ जनामा कोरोना पुष्टि भएको छ ।

नेपालगन्जमा आज दिउँसो कोरोना पुष्टि भएकाहरुमा अधिकांश नेपालगन्ज उपमहानगरपालिका र वडाका कर्मचारी छन् । जग्गा व्यवसायी, बैंकका कर्मचारीदेखि मार्बल पसलेसम्ममा संक्रमण देखिएको छ । उपमहानगरपालिकाका एक जना अधिकृत, आइटी अधिकृत, सरसफाई शाखा प्रमुख, वडा नम्बर १४ र १८ का सचिव र वडा नम्बर २० का कम्प्युटर अपरेटरलाई कोरोना भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो ।

यसअघि आज विहान नेपालगन्ज उपमहानगरपालिका वडा नम्बर १ का वडाध्यक्ष र नेपालगन्ज उपमहानगरपालिकाको कार्यालयमा कार्यरत एक अधिकृत तथा रुकुम पूर्वका ७ जनामा पनि कोरोना पुष्टि भएको थियो ।

प्रकाशित मिति: सोमबार, साउन १९, २०७७ १६:०१

प्रतिक्रिया दिनुहोस्