दुई हप्ता लकडाउन गर्न सरकारलाई विज्ञहरूको सुझाव

राजनीति

गृहपृष्ठ
राजनीति
दुई हप्ता लकडाउन गर्न सरकारलाई विज्ञहरूको सुझाव

दुई हप्ता लकडाउन गर्न सरकारलाई विज्ञहरूको सुझाव

मंगलबार, साउन २०, २०७७ बागेश्वरी पोस्ट

नेपालगन्ज । प्रधानमन्त्री केपी शर्मा ओलीले कोरोना भाइरसको संक्रमण नियन्त्रणबारे जनस्वास्थ्य विज्ञहरुसँग छलफल सुरु गरेका छन् ।

आज मंगलबार प्रधानमन्त्रीको सरकारी निवास बालुवाटारमा कोरोना भाइरस संक्रमण र नियन्त्रणबारे छलफल सुरु भएको हो । आजको छलफलमा कांग्रेसका सभापति शेरबहादुर देउवा र जनता समाजवादी पार्टीका अध्यक्ष महन्थ ठाकुर पनि सहभागी छन् ।

पछिल्लो समय कोरोना भाइरसको संक्रमण समुदायस्तरमा फैलिसकेकाले यसबारे थप रणनीति तय गर्न प्रधानमन्त्रीले परामर्श थालेका हुन् । बैठकमा पुनः लकडाउन गरेर कोरोना संक्रमण नियन्त्रण गर्न सकिन्छ कि भन्ने विषयमा पछि छलफल हुनेछ ।

प्रधानमन्त्रीका प्रेस सल्लाहकार सूर्य थापाले कोरोना भाइरस नियन्त्रणका लागि अपनाउनुपर्ने सावधानीबारे छलफल भएको पुष्टि गरेका छन् ।

पछिल्लो समय सरकारले लकडाउन खोलेपछि मानिसहरुको चहलपहल झनै बढेको र कोरोना संक्रमण पनि बढ्दै गएकाले प्रधानमन्त्रीले परामर्श थालेका हुन् ।

प्रकाशित मिति: मंगलबार, साउन २०, २०७७ १६:५९

प्रतिक्रिया दिनुहोस्