१६ लाख रुपैयाँसहित कपिलवस्तुमा एकजना पक्राउ

समाचार

गृहपृष्ठ
समाचार
१६ लाख रुपैयाँसहित कपिलवस्तुमा एकजना पक्राउ

१६ लाख रुपैयाँसहित कपिलवस्तुमा एकजना पक्राउ

बुधबार, साउन २१, २०७७ बागेश्वरी पोस्ट

सांकेतिक तस्बिर

कपिलवस्तु । कपिलवस्तुमा १६ लाख रुपैयाँसहित एक जनालाई सशस्त्र प्रहरीले पक्राउ गरेको छ ।

कपिलवस्तु मायादेवी गाउँपालिका १ पकडीका ३६ वर्षीय विनोद सोनारलाई रु १६ लाखसहित पक्राउ गरिएको सशस्त्र प्रहरी कपिलवस्तुले जानकारी दिएको छ।

भारतबाट नेपाल आउँदै गरेका उनी विशेष सुराकीका आधारमा मायादेवी–४ ठकुरापुर गोब्ली बगैँचाबाट मङ्गलबार साँझ पक्राउ परेका हुन् ।

पक्राउ परेका सोनारको साथबाट एक हजार दरका एक–एक सय थानका १२ गड्डी र ५०० दरका एक–एक सय थानका आठ गड्डी बरामद गरिएको जनाइएको छ ।

पक्राउ परेका सोनार र उनीबाट बरामद भएको रकम सुनौली भन्सार कार्यालयमा बुझाइएको प्रहरी निरीक्षक देवकोटाले बताए । सुनको अवैध कारोवार गर्दै आएका उनले नेपालतर्फबाट सुन भारततर्फ तस्करी गर्नका लागि सो रकम बोकेको हुनसक्ने आशङ्का गरिएको छ ।

प्रकाशित मिति: बुधबार, साउन २१, २०७७ १०:४९

प्रतिक्रिया दिनुहोस्