डुडुवामा जीर्ण अवस्थाको रामजानकी मन्दिर पुन:निर्माण शुरु

समाचार

गृहपृष्ठ
समाचार
डुडुवामा जीर्ण अवस्थाको रामजानकी मन्दिर पुन:निर्माण शुरु

डुडुवामा जीर्ण अवस्थाको रामजानकी मन्दिर पुन:निर्माण शुरु

बुधबार, साउन २१, २०७७ बागेश्वरी पोस्ट

डुडुवा (बाँके) । बाँके डुडुवा गाउँपालिका वार्ड नं. २ उचुवा बाबा कुटीस्थित जीर्ण अवस्थामा रहेको रामजानकी मन्दिरको पुन:निर्माण तथा मर्मत सम्भारको कार्य शुरु गरिएको छ ।

करिब डेढ सय वर्ष पुरानो ऐतिहासिक मन्दिरको समयमा भौतिक संरचनालाई मर्मत नगरिएपछि जीर्ण अवस्थामा भत्किएको छ । गाउँपालिकाभित्र रहेको ऐतिहासिक मन्दिरलाई धार्मिक तथा पर्यटन क्षेत्रमा टेवा पुग्ने उद्देश्यले सो मन्दिरको पुन:निर्माण शुरु गरिएको हो ।

आज मध्यान्हको समय शुभमुहुर्तमा सो मन्दिर भवनको गाउँपालिका अध्यक्ष नरेन्द्र कुमार चौधरीले शिलान्यास गर्नुभयो । उहाँले मन्दिरको शिलान्यास गर्दै गाउँपालिकाभित्र थुप्रै धार्मिक मठ मन्दिर, मस्जिदहरु रहेकाले केही ऐतिहासिक पुराना संरचनाहरुलाई पुन: निर्माण तथा मर्मत सम्भार गर्न स्थानीय सरकारको जिम्मेवारी अनुरुप पुन: निर्माणको कार्य शुरु गरिएको बताउनुभयो । अध्यक्ष चौधरीले यस्ता धार्मिक केन्द्रहरुको संरक्षण र सम्बर्द्धन गरी पर्यटन क्षेत्रमा समेत सहयोग पुग्ने विश्वास व्यक्त गर्दै बजेटको अभावमा सोचे जति गर्न नसकेपनि थोरै बजेटबाट शुरुवात गरेको बताउनुभयो ।

रामजानकी मन्दिरमा अष्टधातुबाट निर्मित राम, सिता, लक्ष्मण, गणेश, हनुमान, शालीग्रामको ऐतिहासिक मुर्ति रहेको छ । मन्दिरमा भजन किर्तन कोठा, परिक्रमा, गर्भ गिरी, स्टोर कोठाको पुन: निर्माण शुरु गरिएको छ । बाउण्ड्रीसहित मन्दिर निमार्णका लागि करिब एक करोड लाग्ने अनुमान गरिएको छ । अहिले पहिलो चरणमा १५ लाखबाट निर्माण थालिएको गाउँपालिकाका प्राविधिक शाखाका मदनेश्वर झाले बताउनुभयो ।

करिब ५ कठठ्ठा बढी जग्गामा रहेको मन्दिरको नाममा डुडुवा ६ मा १४ विगाह पक्का खेतीयोग्य जमिन समेत रहेको मन्दिरका पुजारी भग्गन महाराजले बताउनुभयो । मन्दिरमा दशैं, रामनवमी, कृष्णा जन्मअष्टमी लगायत अवसरमा भजन किर्तन, भण्डारा र मेला लाग्ने गर्दछ ।

प्रकाशित मिति: बुधबार, साउन २१, २०७७ १७:२१

प्रतिक्रिया दिनुहोस्