सामाजिक सुरक्षा भत्ता नदिने निर्णय सच्याउन माग

समाचार

गृहपृष्ठ
समाचार
सामाजिक सुरक्षा भत्ता नदिने निर्णय सच्याउन माग

सामाजिक सुरक्षा भत्ता नदिने निर्णय सच्याउन माग

बुधबार, साउन २१, २०७७ बागेश्वरी पोस्ट

नेपालगञ्ज । लोपोन्मुख, सिमान्तकृतहरुले पाउंँदै आएको सामाजिक सुरक्षा भत्ता सरकारले कटौति गरेकोमा आपत्ति जनाइएको छ ।

जन्मिने वित्तिकै पाउँदै आएको सुरक्षा भत्ता सरकारले ०७५ असोज ९ गतदेखि नदिने निर्णय गरेपनि सम्वद्धहरुको पक्षबाट आवाज उठाउने कोही नभएपछि यो सवाल ढिलो गरी मात्र सतहमा आएको हो । वर्षौंदेखि खाईपाइ आएको सुरक्षा भत्ता दलित र अन्य सरह बनाइएकोमा सम्वद्ध अधिकारकर्मी र अगुवाहरुले गुनासो गर्दै तत्काल निर्णय सच्याउन माग गरेका छन् ।

०५२ सालबाट ५ सयदेखि सुरु भएको सुरक्षा भत्ता राउटे, कुशवंधिया लगायतले हाल तीन हजार पाउदै आएका थिए । कुशवंधिया, राउटे, कुसुण्डा लगायतका बालबालिकाका लागि प्राप्त हुँदै आएको भत्ता समेत कटौति गरेर सरकारले अन्य सरह ४ सय मात्र दिने गरिरहेको छ ।

राउटे, लोपोन्मुख, सिमान्तकृत, वर्ग उत्थान प्रतिष्ठानकी अध्यक्ष सत्यदेवी खड्काले एक विज्ञप्ति जारी गर्दै सिमान्तकृतले पाउँदै आएको भत्ता कटौति गर्ने निर्णयले सिंगो समुदाय मर्कामा परेको भन्दै सच्याउन अपिल गर्नुभएको छ । उहाँले गृहमन्त्रीलाई हालै औपचारिक ध्यानाकर्षण पत्रमार्फत् न्यायको समेत माग गर्नुभएको छ ।

प्रकाशित मिति: बुधबार, साउन २१, २०७७ १८:२२

प्रतिक्रिया दिनुहोस्