प्रधानमन्त्री ओलीलाई भेटेका मन्त्री यादवलाई कोरोना संक्रमण

समाचार

गृहपृष्ठ
समाचार
प्रधानमन्त्री ओलीलाई भेटेका मन्त्री यादवलाई कोरोना संक्रमण

प्रधानमन्त्री ओलीलाई भेटेका मन्त्री यादवलाई कोरोना संक्रमण

बालुवाटारमा तरङ्ग

बिहीबार, साउन २२, २०७७ बागेश्वरी पोस्ट

प्रदेश-२ का आन्तरिक मामिला तथा कानुनमन्त्री ज्ञानेन्द्र कुमार यादव

जनकपुर । प्रदेश-२ का आन्तरिक मामिला तथा कानुनमन्त्री ज्ञानेन्द्र कुमार यादवलाई कोरोना भाइस (कोभिड-१९) पोजिटिभ देखिएको छ । बुधबार साँझ आएको रिपोर्टमा मन्त्री यादवलाई कोरोना पोजिटिभ देखिएको हो ।

यही साता उनि प्रधानमन्त्री केपी शर्मा ओलीसँग भेट गरेका थिए । आइतबार काठमाडौंबाट आउनुअघि देशका शीर्ष नेताहरूसँग उनले भेटघाट गरेका थिए ।

मन्त्री यादव प्रधानमन्त्री निवास बालुवाटारमा संगठन तथा व्यवस्थापन सर्वेक्षण प्रस्ताव पारित गर्न प्रहरी समायोजन सम्बन्धी समन्वय समितिको बैठकमा सामेल भई देशकै शीर्ष नेताहरूसँग भेटघाट गरेका हुन् । उनले भेटघाट गरेको तस्बिर पनि बाहिरिएको थियो जहाँ ओली र मन्त्री साह नजिकै देखिन्छन् ।

यादव प्रधानमन्त्री केपी शर्मा ओली, गृहमन्त्री रामबहादुर थापा (बादल), सात वटै प्रदेशका आन्तरिक मामिला तथा कानुन मन्त्रीहरू, गृह सचिव, गृहमन्त्रीका सल्लाहकार, प्रहरी महानिरीक्षक लगायतसँग भेटघाट गरेपछि प्रदेश २ फर्किएका हुन् ।

होम आइसोलेसनमा बसेका मन्त्री यादवले आफ्नो सम्पर्कमा आएका सबैलाई कोरोना परीक्षण गराउन सबैसँग अपिल गरेका छन् ।