सुर्खेतरोड पूर्वको क्षेत्र शिल

समाचार

गृहपृष्ठ
समाचार
सुर्खेतरोड पूर्वको क्षेत्र शिल

सुर्खेतरोड पूर्वको क्षेत्र शिल

शुक्रबार, साउन २३, २०७७ बागेश्वरी पोस्ट

नेपालगन्ज । कोरोना संक्रमणको ग्राफ ह्वात्तै बढेपछि नेपालगन्ज उपमहानगरपालिकाको सुर्खेत रोड पूर्वको क्षेत्र शिल गरिएको छ ।

सुर्खेत रोडलाई बाहिर पारेर पुष्पलाल चोकदेखि गणेशमान चोक, गणेशमान चोकबाट चारबाहिनी चोक, पिपलचौतारा हुँदै बाँकेगाउँ, बाँकेगाउँबाट रिङरोड, आर्मी ब्यारेक हुँदै नहरपुरुवा चोकसम्म र नहरपुरुवा चोकदेखि बसपार्क हुँदै पुष्पलाल चोकसम्मको चार किल्ला भित्रको क्षेत्र पूर्णरुपमा शिल गरिएको हो ।शिल गरिएको क्षेत्रमा स्वास्थ्य, सुरक्षा, एम्बुलेन्स, शवबहान र दमकल बाहेकका सम्पूर्ण सवारी साधन संचालनमा पूर्णरुपमा रोक लगाइएको छ । साथै हिंड्डुल तथा ब्यवसाय संचालनमा समेत पूर्णतया निषेध गरिएको जिल्ला प्रशासन कार्यालय बाँकेले जनाएको छ ।

यसका साथै प्रशासन कार्यालयले गत आइतबारदेखि लगाइएको निषेधाज्ञाको समय अबधि समेत बढाइएको छ । आगामी मंगलबारसम्म निषेधाज्ञा लम्ब्याइएको छ ।

गत आइतबारदेखि लगाइएको निषेधाज्ञाको समय अबधि भोलि शनिबार समाप्त हुँदै थियो ।

प्रकाशित मिति: शुक्रबार, साउन २३, २०७७ २२:१३

प्रतिक्रिया दिनुहोस्