कार अनियन्त्रित भई पल्टिँदा ३ जनाको मृत्यु

समाचार

गृहपृष्ठ
समाचार
कार अनियन्त्रित भई पल्टिँदा ३ जनाको मृत्यु

कार अनियन्त्रित भई पल्टिँदा ३ जनाको मृत्यु

शनिबार, साउन २४, २०७७ बागेश्वरी पोस्ट

भैरहवा । परासीबाट भैरहवातर्फ जाँदै गरेको कार शुक्रबार राती पौने दश बजेतिर अनियन्त्रित भई पल्टिँदा ३ जनाको मृत्यु भएको छ । रूपन्देही रोहिणी गाउँपालिका- ४ छिपागडस्थित हुलाकी सडकखण्डमा लु २ च ६७५६ नंम्बरको कार नियन्त्रित भएर पल्टिँदा ३ जनाको मृत्यु भएको हो ।

कार दुर्घटना हुँदा रुपन्देही ओमसतिया गाउँपालिकाका २६ वर्षीय देवेन्द्र चौधरी, र अरु २ जनाको मृत्यु भएको हो। अरु दुई जनाको सनाखत हुन सकेको छैन। रुपन्देहीकै सिद्धार्थनगर नगरपालिका ४ का ३० वर्षीय अनिल यादव गम्भीर घाइते छन्।

प्रदेश ५ ट्राफिक प्रहरी कार्यालयका अनुसार कार सडकबाट १० मिटर तल खसेको छ।

उक्त कारमा सवार ४ जना घाइतेहरूलाई उपचारको लागि भिम अस्पताल भैरहवा पठाएकोमा उपचारको क्रममा ३ जनाको मृत्यु भएको प्रदेश ५ ट्राफिक प्रहरी कार्यालय बुटवलका सूचना अधिकारी प्रहरी नायब उपरीक्षक डिल्लीनारायण पाण्डेले जानकारी दिए।

प्रकाशित मिति: शनिबार, साउन २४, २०७७ ०९:०८

प्रतिक्रिया दिनुहोस्